Hapja e aksit Librazhd-Pogradec, policia rrugore me njoftim të rëndësishëm

Policia Rrugore e Elbasanit bën të ditur se po monitoron të gjithë aksin që është hapur në Elbasan- Prrenjas, me qëllim  mbarëvajtjen e trafikut, pasi në rrugë ende punohet. 

"Policia Rrugore e Elbasanit, me mbështetjen edhe të shërbimeve të Njësisë Operacionale të Drejtorisë së Policisë Rrugore, ka marrë masa për monitorimin e qarkullimit në aksin rrugor Elbasan–Prrenjas, me fokus të veçantë segmentin ku rruga pësoi shembje dhe për pasojë, qarkullimi tashmë është devijuar.

Shërbimet e Policisë Rrugore janë shtrirë në gjithë aksin rrugor, me qëllim marrjen e masave për lëvizjen e lirë të automjeteve pas rihapjes së tij mesditën e sotme.

Policia Rrugore apelon që drejtuesit e mjeteve, në këtë aks rrugor, për shkak se kryhen edhe punime, të tregojnë kujdes, të monitorojnë shpejtësinë, të respektojnë sinjalistikën rrugore, si dhe të ndjekin udhëzimet e shërbimeve të Policisë Rrugore dhe të ARRSH-së", thotë policia.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)