Katër tërmete në 30 minuta, tronditen Janina dhe Filati

Rajoni i Epirit në Greqi është tronditur sërish nga disa tërmete të njëpasnjëshme, vetëm pak ditë pasi lëkundjet shkaktuan dëme të mëdha në banesa, kryesisht në qytetin e Janinës.

Sipas Institutit Gjeodinamik të Observatorit Kombëtar të Athinës, katër tërmete tronditën Epirin të premten në mëngjes, me dridhje të regjistruara në zonat pranë Janinës dhe Thesprotisë.

Tërmeti i fundit ishte 4 ballë sipas shkallës Rihter dhe u regjistrua 11 km në veri-verilindje të Shën Qiriakut, në Janinë. Pak më parë, dy dridhje ishin regjistruar në të njëjtin vend.

Tërmeti i parë ishte 4.6 ballë sipas shkallës Rihter dhe kishte një thellësi fokale prej 20.3 km, dhe i dyti ishte 4.5 ballë sipas shkallës Rihter dhe kishte një thellësi fokale prej 19.2 km.

Në të njëjtën kohë, një tërmet me magnitudë 3.3 u regjistrua 5 kilometra në lindje të Filatit.

Vërehet se në orët e fundit ka pasur një aktivitet intensiv pas-lëkundjesh në zonë. Pas-lëkundja më e madhe që ndodhi ishte 3.7 ballë të shkallës Rihter, ndërsa gjatë natës u regjistrua një tjetër dridhje prej 3.3 ballë e shkallës Rihter me epiqendër në zonën më të gjerë të Leptokarias.

Në orët e fundit janë regjistruar dhjetë dridhje sizmike, shumica e të cilave me një thellësi fokale të cekët.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)