Dëmtimi i aksit Librazhd–Pogradec, Dogana Shqiptare paraqet rrugët alternative për lëvizjen e mallrave

Drejtoria e Përgjithshme e Doganave ka marrë disa masa për të garantuar vijimësinë e qarkullimit të mallrave dhe kryerjen e formaliteteve doganore, pas bllokimit të lëvizjes në aksin Librazhd–Pogradec dhe anasjelltas.

Drejtori Besmir Beja, bëri të ditur në konferencën e sotme për mediat se strukturat doganore kanë reaguar duke trajtuar me prioritet shqetësimet e bizneseve dhe pezullimin e përkohshëm të lëvizjes së mallrave dhe udhëtarëve.

“Që në momentin e krijimit të situatës, strukturat doganore kanë trajtuar me prioritet shqetësimin e bizneseve dhe pezullimin e përkohshëm të lëvizjes së mallrave dhe udhëtarëve. Për të shmangur pengesat në procedurat doganore, janë orientuar alternativa të reja lëvizjeje përmes pikave kufitare: Bllatë (Dibër), për mallrat që hyjnë nga Republika e Maqedonisë së Veriut apo përmes saj; Kakavijë, për mallrat që hyjnë nga Greqia apo përmes saj”, deklaroi Beja.

Sipas tij, janë ndërmarrë masa për përforcimin e kapaciteteve logjistike dhe shtimin e personelit në degët kufitare Bllatë dhe Kakavijë, me qëllim përballimin e fluksit të shtuar dhe përshpejtimin e procedurave, deri në normalizimin e situatës rrugore.

Në bashkëpunim me autoritetet e Maqedonisë së Veriut, është siguruar sipas tij mirëkuptim për lehtësimin e qarkullimit në pikën e kalimit kufitar të Bllatës. Pala maqedonase do të mundësojë kalimin e kamionëve dhe trajlerave të ngarkuar nga ora 12:00–22:00, kalimin 24 orë të mjeteve pa ngarkesë, si dhe kalimin e produkteve bujqësore që kërkojnë certifikim.

LEXO MË SHUMË

Aktualitet

Rrëshqitje dheu në aksin Librazhd-Pogradec, ARRSH ndalon lëvizjen e autobusëve dhe mjeteve me tonazh të rëndë

ARRSH ka njoftuar bllokimin e lëvizjes për autobusët dhe mjetet e tonazhit të rëndë në aksin Librazhd–Pogradec, në vendin e quajtur “Arrat e Gurrës”, për shkak të rrëshqitjes së dheut.

10:46 8 ditë më parë21.02.2026.

Autori

Aktualitet

Vijojnë fundosjet te Arrat e Gurrës, përkeqësohet gjendja e rrugës Librazhd

Një pjesë e asfaltit është e pariparueshme, ura ekzistuese ka degraduar dhe puna për ndërtimin e by-pass-it provizor u ndërpre, pasi jeta e punëtorëve ishte në rrezik.

09:52 5 ditë më parë24.02.2026.

Autori

Aktualitet

Bllokimi i Librazhd-Prrenjas, Rama në Korçë me helikopter: Ligësi e madhe t'i faturosh qeverisë rrëshqitjen gjeologjike

Udhëtimi me helikopterin e Forcave të Armatosura për të shoqëruar grupin e investitorëve ndërkombëtarë në fushën e arsimit të lartë.

12:29 6 ditë më parë23.02.2026.

Autori

“Dogana shqiptare vijon kontaktet edhe me palën kosovare për të mundësuar lehtësime të mëtejshme në hyrje-daljet e mjeteve dhe mallrave”, shtoi Beja.

Sa i përket mallrave që kanë hyrë në territorin doganor shqiptar përmes Qafë-Thanës dhe ndodhen në aksin e bllokuar apo në ambientet doganore, zgjidhja teknike e ofruar është përdorimi i regjimit të Transitit të Jashtëm (T1), sipas Kodit Doganor të Republikës së Shqipërisë.

“Ky regjim lejon tranzitimin e mallrave nga një pikë doganore në një tjetër, përmes një territori jashtë territorit doganor shqiptar. Operatorët duhet të depozitojnë deklaratën doganore T1 në degën doganore Qafë-Thanë, me destinacion Bllatën (Dibër), si dhe të hartojnë një dokument transporti (CMR) për itinerarin e ri”, shpjegoi Drejtori i Doganave.

Në përfundim, Beja theksoi se institucioni është i vetëdijshëm për kostot shtesë që kjo situatë sjell për operatorët ekonomikë dhe ndikimin në proceset e import-eksportit, por garantoi se të gjitha strukturat janë angazhuar maksimalisht për të minimizuar pasojat dhe për të siguruar funksionimin sa më normal të aktivitetit tregtar.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)