Të shtëna armësh në operacionin për lirimin e hapësirave në Vlorë, 4 persona përleshen me policinë e IMT

Një incident i rëndë është regjistruar në qytetin e Vlorës, gjatë një operacioni të IMT për lirimin e hapësirave publike, të zaptuara nga subjekte të ndryshme.

Sipas raportimeve paraprake, kreu i IMT dhe një inspektor kanë hasur në rezistencën e 4 personave që kundërshtonin heqjen e tendave.

Situata ka agravuar dhe të dy palët janë përfshirë në një konflikt fizik, çka ka bërë të nevojshme dhe ndërhyrjen e policisë.

Por as kjo gjë nuk i ka ndaluar 4 personat, të cilat kanë vijuar përballjen e tyre edhe me efektivat blu. Nisur nga ku fakt, një efektiv ka nxjerrë pistoletën e shërbimit dhe ka qëlluar në ajër.

Më pas, në vendngjarje kanë shkuar dhe përforcime, të cilët kanë shoqëruar në komisariat të 4 personat e përfshirë në këtë incident të rëndë. Identiteti i tyre ende nuk bëhet me dije.

Kujtojmë që operacioni për lirimin e hapësirave publike, është një nismë e qeverisë, e trumbetuar nga kryeministri Rama, i cili ka shprehur angazhimin se ky aksion do të përfundojë atëherë kur të hiqet çdo gjë në kundërshti me ligjin.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)