Mashtrimet online për kredi, Policia e Shtetit me njoftim të rëndësishëm

Brenda një kohe të shkurtër, Policia e Shtetit ka përsëritur një tjetër thirrje drejtuar qytetarëve që të mos bihen prej e disa ofertave të rreme për kredi që janë shfaqur së fundmi online.

Sipas policisë, janë regjistruar disa raste kur persona ende të panjohur, përmes faqeve të dyshimta në internet apo rrjete sociale paraqiten si përfaqësues të institucioneve të ndryshme financiare dhe iu bëjnë oferta të ndryshme qytetarëve që të marrin kredi.

Përmes këtyre ofertave mashtruese ata synojnë të marrin të dhënat personale dhe financiare të qytetarëve.

“Qytetarët të tregojnë kujdes të shtuar dhe të mos dërgojnë para, të dhëna bankare apo dokumente personale te persona të paidentifikuar apo faqe interneti të pasigurta.

Të komunikojnë drejtpërdrejt me personelin bankar, duke përdorur vetëm kontaktet zyrtare të publikuara në faqet zyrtare të bankave përkatëse, veçanërisht në rastet kur nuk kanë mundësi të paraqiten fizikisht në degët bankare”, shkruhet mes të tjerash në reagim.

Policia gjithashtu fton qytetarët që çdo rast mashtrimi ta denoncojnë menjëherë, me qëllim parandalimin dhe hetimin e këtyre veprave penale.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)