Të shtëna me armë në Lezhë, plagoset 30-vjeçari

Një 30-vjeçar ka mbetur i plagosur mbrëmjen e të dielës në Lezhë. Ngjarja ka ndodhur në zonën e quajtur "Kryqëzimi i Rrilës". 

Mësohet se i plagosuri ndodhet jashtë rrezikut për jetën dhe po merr trajtim në spital. Dyshohet se i plagosuri nuk ishte objektivi, pasi ishte pronari i berbehanës ku ndodhi ngjarja.

Lezhë/Informacion paraprak

Rreth orës 21:00, salla operative e DVP Lezhë është njoftuar se në qendër të fshatit Rrilë, Lezhë, ka ndodhur një plagosje me armë zjarri.

Menjëherë në vendngjarje kanë mbërritur shërbimet policore, ku ka rezultuar se ka mbetur i plagosur shtetasi S. D., 30 vjeç, banues në Rrilë. I plagosuri është transportuar në spital dhe ndodhet nën kujdesin e mjekëve.

Nga veprimet e para hetimore rezultoi se shtetasi S. D. ndodhej në biznesin e tij në momentin kur është qëlluar me armë zjarri.

Shërbimet e Policisë kanë ngritur pika kontrolli dhe po kryejnë krehjen e zonës, me qëllim identifikimin dhe kapjen e autorit/autorëve.

Grupi hetimor, nën drejtimin e Prokurorisë, po vijon veprimet për zbardhjen e plotë të rrethanave të ngjarjes.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)