“Na shkatërroi”, drejtori i burgut të Rrogozhinës bën fajtor vëllain për magazinën me 4000 bimë kanabis

Pasi u vetëdorëzua në komisariat dhe u mor në pyetje nga Policia e Elbasanit, drejtori i burgut të Rrogozhinës, Bilal Hasa është lënë i lirë dhe po hetohet në gjendje të lirë, pasi dyshohet se nuk ka lidhje të drejtpërdrejtë me kultivimin e drogës, në magazinën që u gjet mbrëmjen e djeshme.

Gjatë operacionit të zhvilluar dje, në dy magazina në pronësi të tij u zbuluan rreth 4 mijë rrënjë kanabisi, të pajisura me ndriçim artificial dhe infrastrukturë të specializuar për kultivim.

Në dëshminë e tij, Hasa ka mohuar çdo përfshirje, duke deklaruar se ambientet administroheshin nga vëllai i tij, Romario Hasa, i cili tashmë është shpallur në kërkim. Sipas tij, prej muajsh nuk kishte shkuar në magazinë dhe nuk kishte dijeni për aktivitetin e paligjshëm.

Ky version është mbështetur edhe nga babai i tyre, i cili ka pohuar se kontrata e përdorimit të magazinës ishte në emër të Romarios. Madje, gjatë qëndrimit në polici, Hasa dhe i ati janë përgjuar duke thënë për të: “Na shkatërroi!”.

LEXO MË SHUMË

Kronikë

U akuzua për kultivim narkotikësh, lirohet drejtori i burgut të Rogozhinës

Drejtori i Burgut të Rogozhinës Bilal Hasa është liruar ditën e sotme, pasi u vetëdorëzua një ditë më parë për akuzën e kultivimit të kanabisit.

10:42 4 h më parë20.03.2026.

Autori

Kronikë

Mijëra rrënjë kanabis në banesën në pronësi të tij, drejtori i burgut të Rrogozhinës dorëzohet në polici

Zbulimi i një sere të sofistikuar kanabisi në një magazinë në fshatin Kurtaj ka çuar në zhvillime të reja në hetim, duke përfshirë edhe dorëzimin në polici të drejtorit të IEVP Rrogozhinë, Bilal Hasa.

19:41 19 h më parë19.03.2026.

Autori

Kronikë

Prona në emër të drejtorit të burgut të Rrogozhinës ishte kthyer në “shtëpi bari”

Brenda banesës në Peqin janë sekuestruar rreth 4 mijë rrënjë kanabisi, Bilal Hasa pezullohet nga detyra dhe shpallet në kërkim.

17:13 21 h më parë19.03.2026.

Autori

Në kuadër të hetimeve, është arrestuar edhe faturisti i OSHEE-së, Erion Dekovelli, i cili akuzohet se nuk raportoi konsumin e lartë të energjisë elektrike. Ai ka deklaruar se kontratat i kishte lidhur me Romario Hasën.

Ndërkohë, janë shpallur në kërkim edhe dy zyrtarë të tjerë të OSHEE-së në Peqin, të dyshuar për shpërdorim detyre.

Policia ka sekuestruar prova materiale në vendngjarje, përfshirë sende me gjurmë ADN-je si shishe plastike, bishta cigaresh dhe mjete pune, të cilat pritet të ndihmojnë në identifikimin e personave të përfshirë.

Ndërkohë, Drejtoria e Burgjeve ka pezulluar nga detyra Bilal Hasën deri në përfundim të hetimeve.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)