Dy shtetas shqiptarë janë arrestuar në flagrancë nga karabinierët në provincën e Arezzo në Itali, nën akuzën e posedimit të lëndëve narkotike me qëllim shpërndarjen.
Dy të rinjtë, të moshës 28 dhe 20 vjeç, u ndaluan në zonën e Monterchi, në lokalitetin “Le Ville”.
Sipas autoriteteve, të dyshuarit tentuan të shmangnin kontrollin policor duke ulur shpejtësinë e automjetit në mënyrë të dyshimtë, çka tërhoqi vëmendjen e patrullës. Pas ndalimit, kontrolli i mjetit çoi në zbulimin e mbi një kilogrami kokainë, e fshehur në një nga sediljet e automjetit.
Gjatë kontrollit personal, atyre iu gjetën edhe rreth 1500 euro cash, të cilat së bashku me lëndën narkotike u sekuestruan nga policia.
Dy të arrestuarit u dërguan në paraburgimin e Arezzos, ndërsa hetimet vijojnë për të përcaktuar origjinën e drogës dhe lidhjet e mundshme të tyre me rrjete të tjera kriminale.
Shkarkoni aplikacionin Newsmax Balkans:
Mund ta shkarkoni aplikacionin Newsmax Balkans nga Google Play dhe App Store.
Komente (0)