E shtuna tragjike/ Makina bie në kanal, humbin jetën babë e bijë

Pasi konstatoi mungesën për orë të tëra të babait dhe motrës së tij se nuk po vinin nga puna, i riu kërkoi ndihmë nga policia e Lezhës për ti gjetur.

Efektivët nisën kërkimet në rrugën që ata përshkonin për në punë dhe në afërsi të fshatit Gocaj gjetën të përmbysur në një kanal me ujë makinën e tyre. Fatkeqësisht, babai 54 vjeç, dhe vajza 20-vjeçae u gjetën të pajetë.

Sipas të dhënave të para në timon ishte vajza e cila kishte humbur kontrollin e mjetit duke dalë nga rruga.

Njoftimi i Policisë

Rreth orës 21:45 të datës 25.04.2026, në Komisariatin e Policisë Lezhë është paraqitur djali i shtetasit A. K., i cili ka kallëzuar se ka humbur kontaktet me babain dhe me motrën e tij, të cilët ishin nisur për në punë me automjetin e tyre.

Menjëherë pas marrjes së njoftimit, shërbimet e Policisë kanë ushtruar kontrolle për gjetjen e tyre.

Në fshatin Gocaj, në afërsi të fabrikës së çimentos, në një rrugë dytësore, u gjet automjeti i tyre në një kanal me ujë.

Pas nxjerrjes së automjetit nga uji, rezultoi se në automjet ndodheshin pa shenja jete shtetasit A. K., 54 vjeç, dhe B. K., 20 vjeçe (babë e bijë).

Paraprakisht dyshohet se automjeti ka dalë nga rruga si pasojë e humbjes së kontrollit mbi drejtimin e tij nga ana e drejtueses së automjetit, shtetases B. K.

Grupi hetimor ndodhet në vendngjarje dhe po punon për sqarimin e rrethanave, përcaktimin e shkakut të daljes nga rruga të automjetit dhe për dokumentimin e plotë ligjor.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)