Zjarr në Panaja, era e fortë përhap flakët

Një zjarr i përmasave shqetësuese ka përfshirë zonën e fshatit Panaja në Vlorë, ku flakët po përhapen me shpejtësi të madhe të favorizuara nga era e fortë dhe temperaturat e larta.

Zjarri ka përfshirë kryesisht sipërfaqe me shkurre dhe bimësi të ulët, ndërsa mësohet se po avancon edhe drejt kodrave dhe zonave me ullishte, duke rrezikuar dëme më të mëdha nëse nuk vihet nën kontroll në kohë.

Sipas raportimeve nga terreni, situata është e vështirë për shkak të relievit të thyer, i cili po e bën të vështirë ndërhyrjen e zjarrfikësve me mjete standarde. Forcat në terren po përpiqen të kufizojnë përhapjen e flakëve me mjete rrethanore dhe ndërhyrje të drejtpërdrejtë në vijat e zjarrit.

Era e fortë po mbetet faktori kryesor që po e përkeqëson situatën, duke ndihmuar përhapjen e shpejtë të vatrave dhe duke rritur rrezikun për sipërfaqe të tjera me bimësi dhe pemëtari në zonë.

Autoritetet vijojnë punën për vënien nën kontroll të zjarrit dhe parandalimin e përhapjes së mëtejshme të tij.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)