Imuniteti i Ballukut, PD e nis vitin duke kërkuar mbledhjen e Këshillit të Mandateve

Partia Demokratike ka kërkuar sërish mbledhjen urgjente të Këshillit për Rregulloren, Mandatet dhe Imunitetin, për t’i hapur rrugë shqyrtimit të kërkesës së SPAK për autorizimin e heqjes së mandatit të zv.kryeministres dhe ministres së Infrastrukturës dhe Energjisë, Belinda Balluku.

Demokratët e cilësojnë antiligjore shtyrjen pa afat të mbledhjes së Këshillit, duke pretenduar se kjo i jep kohë Ballukut të prishë prova dhe të intimidojë dëshmitarë, shqetësim që sipas tyre është ngritur edhe nga prokurorët e posaçëm në mbledhjen e 19 dhjetorit.

LEXO MË SHUMË

Politikë

Kërkesa e PD për mbledhjen e Këshillit të Mandateve, Kuvendi si Rama: Do presim Gjykatën Kushtetuese!

Kryeparlamentari Niko Peleshi, i është përgjigjur zyrtarisht deputetëve të Partisë Demokratike, pas kërkesës së tyre për caktimin e datës së mbledhjes së dytë të Këshillit të Mandateve, me qëllim shqyrtimin e kërkesës së SPAK për heqjen e imunitetit të Belinda Ballukut.

20:54 17 ditë më parë29.12.2025.

Autori

Politikë

“Kuvendi, bunker i Belinda Ballukut”, Bardhi akuza Ramës e Peleshit: Po bëni avokatinë e zv/kryeministres

Kreu i Grupit Parlamentar të PD Gazment Bardhi, në një prononicm për mediat, u shpreh se Kuvendi është kthyer në bunkerin që mbron korrupsionin e zv/kryeministres Belinda Balluku, pasi pesë anëtarët e PD në Këshillin e Mandateve e gjetën të mbyllur derën e sallës ku do të mblidheshin në orën 11:00.

12:02 20 ditë më parë26.12.2025.

Autori

Politikë

Dera e Kuvendit e mbyllur, dështon tentativa e PD për mbledhjen e Këshillit të Mandateve për çështjen "Balluku"

Tentativa e pesë anëtarëve të Partisë Demokratike për të zhvilluar mbledhjen e Këshillit të Mandateve, për të shqyrtuar kërkesën e SPAK për heqjen e imunitetit të zv/kryeministres Belinda Balluku ka dështuar.

11:50 20 ditë më parë26.12.2025.

Autori

Në kërkesën e tyre, PD i referohet Rregullores së Kuvendit, sipas së cilës Këshilli ka detyrim ligjor të shqyrtojë kërkesat e Prokurorisë dhe të mblidhet edhe me kërkesën e gjysmës së anëtarëve. Ata rikujtojnë se SPAK ka depozituar kërkesën më 16 dhjetor 2025 dhe se mbledhja e 19 dhjetorit u ndërpre pa vendim dhe pa caktuar datë të re.

PD kërkon që Këshilli të mblidhet më 6 janar 2025, me rend dite vijimin e shqyrtimit të kërkesës së SPAK, si dhe njoftimin zyrtar të të gjitha palëve për të garantuar të drejtën e mbrojtjes.

Në përfundim, demokratët i bëjnë thirrje Kryetarit të Kuvendit të zbatojë detyrimet ligjore, duke paralajmëruar se mosmbledhja e Këshillit rrezikon të pengojë drejtësinë.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)