“Je me ne, ose përballë nesh”, debate në Grupin e PS, Rama e paralajmëron Spiropalin për përjashtim

Mbledhja katër orëshe e kryeministrit Edi Rama me ministrat dhe Grupin Parlamentar të PS në Pallatin e Brigadave nuk ka qenë “shend e verë”. Përveç porosive të shefit të qeverisë për socialistët, ka pasur edhe një përplasje direkte mes tij dhe ish-ministres së Jashtme, Elisa Spiropali.

Klima e tensionit që mbizotëronte prej më shumë se një muaji në kampin rozë, e karakterizuar nga postime të ashpra kundër linjës së partisë nga Spiropali në Façebook, duket se kanë shtyrë Ramën drejt një debati të fortë me deputeten socialiste.

Sipas burimeve nga mbledhja, Rama i ka tërhequr vëmendjen Spiropalit për qëndrimet e saj të fundit, duke ia kujtuar mungesën në votimin për kërkesën e SPAK për arrestimin e Belinda Ballukut, si edhe kritikat publike të bëra prej saj në rrjetet sociale ndaj maxhorancës.

Madje kryesocialisti ka shkuar edhe më tej, duke i thënë Spiropalit se nëse situata përsëritet edhe njëherë, ajo do të përjashtohet nga Grupi i PS.

“Tek puna e partisë nuk mund të bëni drama dhe për këtë po të drejtohem ty Elisa. Nuk dua të krijoni situata në parti. Partia ka dy ngjyra, bardhë e zi. Ose bardhë dhe me ne, ose zi dhe përballë nesh. Herën e parë nuk erdhe në votim. Herën e dytë bërë çarçafin dhe herë të tretë nuk ka, përndryshe del jashtë këtij grupi”, mësohet të ketë deklaruar Rama.

LEXO MË SHUMË

Politikë

Përçarje në PS? Niko Peleshi: Ka diskutime, nuk jemi formacion ushtarak

Peleshi e pranoi se në mbledhjet e mazhorancës socialiste ka pasur diskutime të shtuara, por i cilësoi si thashetheme, zërat për përçarje mes disa figurave kryesore, të nxitura edhe nga debati i djeshëm mes kryeministrit Edi Rama dhe ish-ministres së Jashtme, Elisa Spiropali.

12:22 30 ditë më parë29.03.2026.

Autori

Politikë

Mungesa në votimin për Ballukun bëhet çështje në PS, Spiropali përplasje në distancë me Ballën

Disa orë pas deklaratës së Ballës, Spiropali përmes një postimi në rrjetet sociale i drejtohet kreut të grupit parlamentar, duke i kërkuar një mbledhje, me theksin tek rëndësia e konsultimit dhe vendimmarrjes së përbashkët.

19:27 34 ditë më parë24.03.2026.

Autori

Politikë

“Po më 'këshillojnë' të hesht”, shpërthen Spiropali: PS po zëvendësohet nga një strukturë fosile

Sipas saj, vendimmarrja nuk bazohet më në ligj apo procedurë, por në urdhra dhe interesa të ngushta të një rrethi të mbyllur pushteti.

10:44 11 ditë më parë17.04.2026.

Autori

Burimet po ashtu bëjnë me dije se Spiropali ka tentuar të japë shpjegimet e saj dhe të kërkojë të drejtën e replikës, por kjo nuk është marrë në konsideratë nga kryeministri.

“Po replikoj unë për ato që ke shkruar ti”, raportohet të ketë thënë Rama, duke mos i dhënë hapësirë diskutimi ish-ministres.

“Je akoma këtu, sepse nuk dua që PS të humbasë investimin që ka bërë, por merr frymë thellë dhe kupto atë që ke bërë”, ka shtuar ai.

Më tej, kreu i socialistëve ka theksuar se prezenca dhe angazhimi i deputetëve me qytetarët duhet të jetë më i madh, ndërsa u ka kërkuar anëtarëve të grupit më shumë kujdes në qëndrimet publike dhe disiplinë politike. Në përfundim të mbledhjes, Rama dhe Spiropali kanë zhvilluar një bisedë të shkurtër veçmas.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)