Botërori 2026, nesër hidhet shorti i grupeve në Uashington

Starti i Kupës së Botës 2026 është gjithmonë e më pranë dhe nesër, të premten më 5 dhjetor, do të përcaktohet zyrtarisht përbërja e grupeve të turneut. Shorti do të mbahet në ora 18:00 (me orën shqiptare) në Uashington. Eventi do të zhvillohet nga 11 qershori deri më 19 korrik 2026 në Shtetet e Bashkuara, Meksikë dhe Kanada.

Shqipëria  ende nuk e ka siguruar pjesëmarrjen - gjithçka do të vendoset në ndeshjet “play-off” të muajit marsi - por pozicioni i mundshëm i kuqezinjtë në vazo tashmë është i përcaktuar.

SI FUNKSIONON SHORTI

Botërori 2026 do të ketë 48 skuadra. Deri tani janë kualifikuar 42 përfaqësuese, ndërsa gjashtë ekipe të tjera - duke përfshirë edhe Shqipërinë - do të marrin pjesë në short si “skuadra X”, pasi ndeshjet e “play-off” ende nuk janë luajtur. Shorti do të zhvillohet në Qendrën për Artet Performuese “John F. Kennedy” në Uashington.

DETAJET KRYESORE:

* Do të krijohen 12 grupe, secili me 4 skuadra.
* FIFA ka zyrtarizuar 4 vazo me nga 12 kombëtare.
* Shqipëria, edhe pse nuk është ende e kualifikuar, e ka të sigurt vazon ku bën pjesë.
* Kalendari i ndeshjeve me stadiumet dhe oraret do të publikohet të shtunën, më 6 dhjetor.

Foto: FIFA

PROCEDURA E SHORTIT

* Shorti do të nisë me kombëtaret e vazos së parë.
* Vendet pritëse kanë pozicion të fiksuar në grupet:

Meksika →   Grupi A

Kanadaja → Grupi B

SHBA →       Grupi D

* Pjesa tjetër e skuadrave të vazos së parë (p.sh. Spanja, Argjentina) do të shpërndahen në grupet e mbetura sipas pozicionimit në renditjen botërore.
* E njëjta logjikë do të zbatohet edhe për skuadrat e vazove 2, 3 dhe 4.
* Brenda secilit grup, pozicioni i skuadrës përcaktohet nga një skemë fikse tërheqjeje, sipas vazos dhe grupit ku vendosen.
* Qëllimi është të sigurohet një shpërndarje e balancuar dhe shmangia e përballjeve të skuadrave më të forta që në fazat e para.

SKUADRAT ENDE TË PAKUALIFIKUARA

Në vazon e katërt, aty ku do të vendoset Shqipëria nëse kualifikohet nga faza “play-off” janë përfshirë:

Jordania

Kepi i Gjelbër

Curaçao

Gana

Haiti

Zelanda e Re

* Fituesit e “play-off” do të paraqiten në short si “X”

Fituesit e “play-off” europian:

Rruga A: Italia / Irlanda e Veriut / Uellsi / Bosnja dhe Hercegovina

Rruga B: Ukraina / Suedia / Polonia / Shqipëria

Rruga C: Turqia / Rumania / Sllovakia / Kosova

Rruga D: Danimarka / Maqedonia e Veriut / Çekia / Irlanda

Fituesit e “play-off” ndërkontinental:

Interzona 1: Zelanda e Re / Xhamaika / RD Kongo

Interzona 2: Bolivia / Surinami / Iraku

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)