“Shkatërruam gjithçka në ishull, por i kursyem naftën Iranit”, Trump kritika aleatëve: I kemi ndihmuar për shumë vite

Presidenti i Shteteve të Bashkuara të Amerikës, Donald Trump, ka kritikuar aleatët e vendit të tij për mungesë mbështetjeje në përpjekjet për të siguruar kalimin e anijeve cisternë të naftës në Ngushticën e Hormuzit, një nga rrugët më të rëndësishme të transportit të energjisë në botë.

Gjatë një aktiviteti në Shtëpinë e Bardhë, Trump u shpreh i zhgënjyer nga disa vende aleate që, sipas tij, nuk kanë treguar entuziazëm për t’u bashkuar me një mision detar që do të shoqëronte cisternat e naftës në këtë korridor strategjik, ku tensionet janë rritur për shkak të veprimeve të Iran.

LEXO MË SHUMË

Lindja e Mesme

“Me një fjalë shkatërroj impiantet e Iranit”, Trump: Përdorin Ngushticën e Hormuzit si armë, aleatët të ndihmojnë

Sipas shefit të Shtëpisë së Bardhë, SHBA dhe Izraeli kanë goditur rreth 7 mijë objektiva dhe kanë ulur me 90 për qind lëshimet e raketave dhe me 95 për qind sulmet me dronë.

18:06 1 h më parë16.03.2026.

Autori

Lindja e Mesme

Lufta e naftës ngre alarmin për Luftën e Ujit, pika e dobët e Gjirit Persik

Shumica e vendeve në Lindjen e Mesme nuk mbështeten te lumenjtë, burimet nëntokësore apo reshjet për furnizimin me ujë, por te uji i detit i pastruar përmes desalinimit.

17:36 2 h më parë16.03.2026.

Autori

Lindja e Mesme

Izraeli: Kemi shkatërruar kompleksin në Teheran, përdorej nga ushtria për programin hapësinor

Izraeli pretendon se ka shkatërruar një kompleks që përdorej nga ushtria iraniane për zhvillimin e programeve hapësinore në Tehran.

17:00 3 h më parë16.03.2026.

Autori

“Shumë vende më kanë thënë se janë rrugës, disa janë shumë entuziastë dhe disa jo. Ka vende që ne i kemi ndihmuar për shumë e shumë vite, i kemi mbrojtur nga kërcënime të jashtme, por nuk janë treguar aq entuziastë sa do të prisja,” deklaroi Trump.

Ai shtoi se për të ka rëndësi niveli i mbështetjes që ofrojnë aleatët, duke theksuar se SHBA ka vendosur dhjetëra mijëra ushtarë në vende të ndryshme për t’i mbrojtur ato. Sipas tij, kur Uashingtoni kërkon ndihmë, disa prej këtyre vendeve shmangin përfshirjen.

Trump e përshkroi misionin e mundshëm detar si një operacion “relativisht të vogël”, edhe pse situata në rajon mbetet e tensionuar dhe Irani vazhdon të lëshojë predha drejt anijeve cisternë që kalojnë në zonë.

Ndërkohë, presidenti amerikan foli edhe për një operacion ushtarak të ndërmarrë nga SHBA në ishullin KhargK, një ishull strategjik iranian në Gjirin Persik. Sipas Trump, forcat amerikane kanë shkatërruar pothuajse të gjithë infrastrukturën ushtarake në ishull, por kanë shmangur goditjen e objekteve të lidhura me eksportin e naftës.

“Ne shkatërruam gjithçka në ishull, përveç zonës së tubacioneve të naftës. Nuk donim ta bënim këtë, por mund ta bëjmë në çdo moment, nëse është e nevojshme,” tha ai.

Megjithëse është një territor i vogël, Kharg Island konsiderohet jetik për ekonominë iraniane, pasi rreth 90 për qind e eksporteve të naftës së Iranit kalojnë përmes këtij ishulli. Sipas një zyrtari ushtarak amerikan, sulmet e kryera nga SHBA kishin në shënjestër depo me mina detare, bunkerë raketash dhe infrastruktura të tjera ushtarake, duke shmangur qëllimisht instalimet e naftës për të mos përshkallëzuar më tej konfliktin.

Lexo më shumë

Lindja e Mesme

Jerusalem, copa raketash bien pranë zyrës së Netanyahu dhe afër Bazilikës së Varrit të Shenjtë

Gjatë Luftës së 12 ditëve në qershor 2025, Qyteti i Vjetër kishte mbetur kryesisht i paprekur nga dëmet, krahasuar me bombardimet që kishin pësuar qytete të tjera si Tel Aviv apo Beersheba.

16:46 3 h më parë16.03.2026.

Autori

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)