Botërori 2026, Shqipëria e nis në Meksikë në 04:00 të mëngjesit dhe e mbyll me Japoninë në stadiumin e Dallasit

FIFA ka publikuar sot datat, oraret dhe stadiumet për të 12 grupet e turneut, pas shortit të mbajtur të premten në Uashington dhe rrjedhimisht edhe Shqipëria ka mësuar se ku mund të luajë nëse siguron pjesëmarrjen në Kupën e Botës 2026. 

Të dyja përfaqësueset, Shqipëria dhe Kosova, kanë mundësinë të sigurojnë një vend në finalet e mëdha përmes play-off-it të UEFA-s, i cili do të zhvillohet në fund të marsit 2026. Shqipëria duhet të mposhtë Poloninë në gjysmëfinale dhe më pas fituesin e çiftit Ukrainë–Suedi për të arritur në fazën finale.

Në rast të kualifikimit, kuqezinjtë do të vendosen në Grupin F, ku rivalë do të jenë Holanda, Japonia dhe Tunizia, kundërshtarë të fortë dhe me traditë në arenën ndërkombëtare.

Nëse kuqezinjtë sigurojnë një vend në Kupën e Botës, ndeshjet do t’i zhvillojnë në SHBA dhe Meksikë, me orare të pazakonta për tifozët shqiptarë.

Ndeshja 1: Shqipëri – Tunizi

Data: 15 qershor 2026
Ora: 04:00 e mëngjesit
Stadiumi: Monterrey, Meksikë

Ndeshja 2: Shqipëri – Holandë

Data: 20 qershor 2026
Ora: 19:00
Stadiumi: Houston, SHBA

Ndeshja 3: Shqipëri – Japoni

Data: 26 qershor 2026
Ora: 01:00 e mëngjesit
Stadiumi: Dallas, SHBA

Foto: FIFA

Kuqezinjtë pritet të përballen me një nga grupet më sfiduese të turneut, ndërsa tifozët shqiptarë do të duhet të sakrifikojnë gjumin për të ndjekur ndeshjet në orare të pazakonta.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)