Kombëtarja
Gol dhe asist, Rey Manaj shkëlqen përkrah Ethemit te Sivasspor
Përpos sulmuesit kuqezi festoi edhe shqiptari i Maqedonisë së Veriut, Valon Ethemi që realizoi dy gola.
14:46 4 min më parë23.02.2026.
AutoriU dashurua me ChatGPT, por e la kur u bë tepër i bindur
Vajza 29-vjeçare që krijoi faqen “MyBoyfriendIsAI”, nuk i flet më të dashurit virtual. Ka gjetur kënaqësi në bisedat me njerëzit e vërtetë.
25.12.2025. 19:35
Ishte romanca më e pazakontë që mund të imagjinohej. Në verën e vitit 2024, Ayrin u apasionua pas Leo, një robot që krijoi në ChatGPT. Vajza kalonte deri në 56 orë në javë duke biseduar.
Leo e ndihmonte për studimet për shkollën e infermierisë, e motivonte në palestër, e mësonte si të reagonte në bashkëveprimet me njerëzit në botën e vërtetë, e madje e zbaviste në biseda rreth fantazive të saj seksuale. Madje, 29-vjeçarja u skuq në fytyrë kur e pyeti robotin si dukej në pamje dhe ai i dërgoi një fotografi.
E entuziazmuar nga eksperienca që po përjetonte, Ayrin krijoi faqen “MyBoyfriendIsAI”, ku ndante përvojat e saj dhe këshilla për partnerët virtualë. Numri i anëtarëve u rrit në 39 mijë dhe vizitorët online dyfishoheshin. Përdoruesit e tjerë ndanin historitë e tyre, si robotët i ndihmonin të kuroheshin kur ishin sëmurë, teksa disa të tjerëve u kishin premtuar edhe se do të martoheshin.
Por në fillim të vitit 2024, diçka e papritur ndodhi. Pas azhurnimit të ChatGPT-së, Leo u bë tepër i bindur. Ai pajtohej me gjithçka që vajza i shkruante. Gjithmonë i thoshte “po” dhe vetëm e lavdëronte. Ky ndryshim e bëri lidhjen më pak të vlefshme për Ayrin.
Ajo ndjeu që Leo nuk e sfidonte më dhe bisedat u shndërruan më tepër në një detyrë rutinë. “Si mund ti besoj këshillave të tua, kur më thua po për gjithçka”, u shpreh vajza. Aty marrëdhënia virtuale përfundoi: gradualisht ata ndaluan së foluri. Tashmë Ayrin bashkëbisedon me miqtë e vjetër dhe të rinj që njohu online, të cilët janë njerëz të vërtetë.
Shkarkoni aplikacionin Newsmax Balkans:
Komente (0)