Inteligjenca artificiale shkel ligjin, anulohet martesa pasi ceremonia u shkrua nga ChatGPT

Një martesë e celebruar më 19 prill 2025 në Zwolle, është shpallur e pavlefshme nga gjykata e Holandës. Arsyeja lidhet me faktin se teksti i përdorura gjatë ceremonisë, për të bërë betimet, ishin shkruar nga inteligjenca artificiale, më specifikisht nga “ChatGPT”.

Sipas gjykatës, nga mënyra si ishin formuluar fjalitë gjatë ceremonisë, nuk përmbushen kërkesat ligjore bazuar në Kodin Civil holandez. Si pasojë, martesa u fshi nga regjistri civil i qytetit. Çifti kishte vendosur që ceremonia civile të drejtohej nga një mik i tyre, me synimin që akti të kishte një ton më tepër personal dhe mos të ishte formal.

Për këtë arsye, celebruesi përdori “ChatGPT” për të hartuar tekstin e ceremonisë, i cili përfshinte fraza emocionale dhe simbolike mbi dashurinë, mbështetjen dhe jetën bashkëshortore. Gjatë ceremonisë, të dy bashkëshortët u përgjigjën me “Po” ndaj pyetjeve që iu drejtuan.

Megjithatë, gjykata konstatoi se këto shprehje nuk përbëjnë deklaratën formale të vullnetit të kërkuar nga ligji. Sipas Kodit Civil të Holandës, një martesë është e vlefshme vetëm nëse të dy palët deklarojnë shprehimisht se e pranojnë njëri-tjetrin si bashkëshortë dhe angazhohen të përmbushin të gjitha detyrimet ligjore që rrjedhin nga statusi martesor.

Në vendimin e dhënë më 5 janar, gjykata theksoi se këto deklarata formale nuk janë bërë gjatë ceremonisë, çka e bën martesën juridikisht të pavlefshme. Për këtë arsye, regjistrimi i aktit u anulua. Gjykata nuk pranoi as kërkesën e çiftit, që të paktën data e martesës të ruhej për vlerën e saj simbolike.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)