Presidenti i Ukrainës, Vlodymyr Zelensky deklaroi se Ukraina është e gatshme për të dërguar ekspertë në Gjirin Persik për të ndihmuar aleatët të mbrojnë vendet e tyre kundër dronëve dhe raketave iraniane.
Ai tha se kishte folur me homologët e tij në Emiratet e Bashkuara Arabe, Katar, Jordani dhe Bahrein, me të cilët diskutoi për aftësitë ukrainase për t’u përballur me dronët iranianë, tashmë që një luftë të tillë, Ukraina po e zhvillon prej 4 vitesh.
Zelensky bisedoi gjithashtu me ministrat dhe komandantët dhe iu kërkoi atyre që të gjejnë mundësitë për të ndihmuar aleatët, pa dobësuar mbrojtjen e vetë Ukrainës.
"Ukraina mund të ndihmojë në mbrojtjen e jetëve dhe në stabilizimin e situatës. Ushtria jonë zotëron aftësitë e nevojshme. Ekspertët ukrainas do të punojnë në terren dhe ekipet tashmë po e koordinojnë këtë. Ne jemi të gatshëm të ndihmojmë në mbrojtjen e jetëve, të mbrojmë civilët dhe të mbështesim përpjekjet e vërteta për të stabilizuar situatën dhe për të rivendosur lëvizjen e sigurt në rajon”, shkruan Zelensky në X.
Shkarkoni aplikacionin Newsmax Balkans:
Mund ta shkarkoni aplikacionin Newsmax Balkans nga Google Play dhe App Store.
Komente (0)