I pajisur me Inteligjencë Artificiale, Turqia prezanton dronin e ri

Baykar, një nga kompanitë kryesore turke në prodhimin e pajisjeve ushtarake, ka prezantuar një model të ri droni kamikaz, të quajtur K2. Prezantimi u bë përmes një videoje promocionale ku shfaqen aftësitë e avancuara të dronit dhe teknologjia e tij e bazuar në inteligjencë artificiale.

Sipas kompanisë, droni K2 është i aftë të kryejë fluturime autonome dhe në formacion me dronë të tjerë, duke përdorur sisteme të inteligjencës artificiale për navigim, identifikim objektivash dhe kryerjen e sulmeve. Kjo teknologji lejon që disa dronë të bashkëpunojnë në mënyrë të koordinuar gjatë misioneve.

Droni ka një rreze veprimi mbi 2,000 kilometra dhe mund të mbajë një ngarkesë luftarake prej rreth 200 kilogramësh. Një tjetër veçori e rëndësishme është se ai mund të ngrihet edhe nga pista të shkurtra, ndërsa është projektuar që të përdoret në disa misione.

Baykar është e njohur për zhvillimin e disa dronëve, përfshirë Bayraktar TB2, Bayraktar Akıncı, Bayraktar TB3 dhe Bayraktar Kızılelma, të cilët janë eksportuar në shumë vende të botës.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)