“Dërgoni aeroplanmbajtëset”, Trump i kërkon “ndihmë” Kinës dhe Britanisë për të mbajtur hapur Ngushticën e Hormuzit

Presidenti amerikan Donald Trump ka deklaruar se shpreson që disa vende të mëdha, përfshirë Mbretërinë e Bashkuar dhe Kinën, të dërgojnë anije luftarake në Ngushticën e Hormuzit për të garantuar sigurinë e kësaj rruge të rëndësishme detare.

Në një postim në rrjetin social Truth Social, Trump tha se “shumë vende” pritet të bashkohen me Shtetet e Bashkuara të Amerikës për të mbajtur të hapur dhe të sigurt këtë kanal strategjik, mes tensioneve me Iran.

“Shumë vende, veçanërisht ato që preken nga përpjekja e Iranit për mbylljen e Ngushticës së Hormuzit, do të dërgojnë Anije Luftarake, në bashkëpunim me Shtetet e Bashkuara të Amerikës, për ta mbajtur Ngushticën të hapur dhe të sigurt”, shkroi Trump.

Ai shtoi se, sipas tij, Irani edhe pse i dobësuar ushtarakisht mund të vazhdojë të paraqesë rrezik në këtë rrugë ujore.

“Ne tashmë e kemi shkatërruar 100% të aftësisë ushtarake të Iranit, por është e lehtë për ta të dërgojnë një ose dy dronë, të hedhin një minë ose të lëshojnë një raketë me rreze të afërt diku përgjatë ose brenda kësaj rruge ujore, pavarësisht se sa keq janë mundur”, tha ai.

LEXO MË SHUMË

Lindja e Mesme

Amerika po dërgon në brigjet e Iranit një makineri lufte, çfarë fsheh ‘USS Tripoli’?

USS Tripoli është një nga anijet më të përparuara të operacioneve amfibe që ka aktualisht në dispozicion Marina Amerikane.

14:23 48 ditë më parë14.03.2026.

Autori

Lindja e Mesme

Irani nis hakmarrjen, sulmon bazat amerikane dhe portet në Emirate dhe Bahrein

Porti i Fujairah, i cili ndodhet në Gjirin e Omanit dhe është një nga objektet më të mëdha të magazinimit të naftës në Lindjen e Mesme dhe një qendër e rëndësishme furnizimi për karburantin e anijeve është goditur me drone.

12:41 49 ditë më parë14.03.2026.

Autori

Lindja e Mesme

SHBA bombardon ishullin Kharg, Trump: Irani është plotësisht i mposhtur dhe po kërkon marrëveshje

Trump njoftoi gjithashtu se, me urdhër të tij, Komanda Qendrore e SHBA-së kreu një nga sulmet ajrore më të fuqishme në historinë e operacioneve amerikane në Lindjen e Mesme, duke goditur objektiva strategjikë në ishullin iranian ‘Kharg Island’.

08:28 49 ditë më parë14.03.2026.

Autori

Shefi i Shtëpisë së Bardhë përmendi disa vende nga të cilat shpreson mbështetje, duke përfshirë Kinën, Francën, Japoninë, Korenë e Jugut dhe Mbretërinë e Bashkuar.

“Shpresojmë që Kina, Franca, Japonia, Koreja e Jugut, Mbretëria e Bashkuar dhe të tjerët, që preken nga ky kufizim artificial, do të dërgojnë anije në zonë në mënyrë që Ngushtica e Hormuzit të mos jetë më një kërcënim”, shkroi Trump.

Në të njëjtin postim, Trump deklaroi gjithashtu se SHBA do të vazhdojë veprimet ushtarake kundër forcave iraniane në zonë.

“Ndërkohë, Shtetet e Bashkuara do të bombardojnë deri në bregdet dhe do të qëllojnë vazhdimisht anijet dhe varkat iraniane nga uji. Në një mënyrë ose në një tjetër, së shpejti do ta hapim Ngushticën e Hormuzit, TË SIGURTË dhe TË LIRË!”, përfundoi ai.

Deri tani, Mbretëria e Bashkuar nuk ka konfirmuar zyrtarisht se do të dërgojë anije luftarake në Ngushticën e Hormuzit.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)