“Shënjestronin organe jetike të trupit”, forcat e sigurisë në Iran përdorën shotgun kundër protestuesve

Forcat e sigurisë në Iran akuzohen për përdorim brutal të armëve ndaj protestuesve. Ushtarët që janë në shërbim të Republikës Islamike kanë qëlluar me shotgun ndaj njerëzve të grumbulluar në demonstratat e fundit në vend, duke shkaktuar plagë të rënda dhe të përhershme.

Sipas një raportimi të gazetës britanike “The Guardian”, radiografitë e kryera pas protestave tregojnë shkallën e dëmtimeve katastrofike të pësuara nga të plagosurit. Mjekët kanë deklaruar se forcat e sigurisë kanë synuar qëllimisht organe jetike të trupit.

Në dëshmitë e cituara të mjekëve është përdorur termi “qitje për të vrarë”, me goditje në kokë, sy dhe organe gjenitale. Shpesh, ato janë realizuar nga distancë e afërt. Personeli shëndetësor ka përshkruar raste me dëmtime të rënda okulare dhe trauma të pakthyeshme. Deri më tani, autoritetet iraniane nuk kanë bërë komente publike lidhur me akuzat.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)