Operacioni Liria me 15.000 ushtarë, dy anije amerikane të parat që kalojnë Hormuzin

Dy anije tregtare me flamur amerikan kanë kaluar nëpër Ngushticën e Hormuzit, pavarësisht bllokadës iraniane të rrugës ujore, tha Komanda Qendrore e SHBA-së në një deklaratë të publikuar në platformën X.

Ky kalim vjen pak orë pas nisjes së operacionit “Liria” me urdhër të Presidentit Donald Trump, për të cilin SHBA-të kanë angazhuar 15.000 trupa dhe mbi 100 avionë luftarakë.

Marina Amerikane tha se shkatërrues me raketa të telekomanduara po operojnë në Gjirin Persik, pasi më parë kanë kaluar nëpër Ngushticë si pjesë e operacionit Liria.

CENTCOM tha se forcat e saj po “mbështesin në mënyrë aktive përpjekjet për të rivendosur lundrimin për anijet tregtare” në kushtet optimale të para luftës.

“Si hap i parë, dy anije tregtare me flamur amerikan kanë kaluar me sukses ngushticën e Hormuzit dhe po vazhdojnë udhëtimin e tyre në mënyrë të sigurt”, nënvizohej në deklaratë.

Në të njëjtën kohë, Emiratet e Bashkuara Arabe denoncojnë se Irani sulmoi me dronë dy anije cisternë nga Abu Dhabi që po kalonin ngushticën e Hormuzit.

“Emiratet e Bashkuara Arabe dënojnë me forcë shënjestrimin e një cisterne kombëtare të lidhur me ADNOC ndërsa po kalonte nëpër Ngushticën e Hormuzit. Synimi i anijeve tregtare dhe përdorimi i Ngushticës së Hormuzit si mjet për shtrëngim ekonomik ose shantazh përbëjnë akte piraterie nga trupat e Gardës Revolucionare Islamike", tha Ministria e Jashtme e Emirateve, duke shtuar se nuk pati viktima.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)