Përmbytje në Kosovë, uji hyn në banesa në Malishevë e Skënderaj

Reshjet e orëve të fundit kanë shkaktuar problematika dhe në disa zona të Kosovës.

Sipas të dhënave nga Instituti Hidrometeorologjik i Kosovës situata më problematike paraqitet në Gjakovë, Junik, Deçan, Malishevë, Klinë e Skënderaj.

Në orët në vijim pritet që reshjet të intensifikohen, teksa po monitorohen lumenjtë kryesorë të vendit, niveli i të cilëve është rritur ndjeshëm.

Komuna e Malishevës iu ka bërë thirrje qytetarëve për kujdes të shtuar, për shkak të gjendjes së rënduar të krijuar nga reshjet e pandërprera të shiut.

“Shumë rrugë janë bllokuar nga uji si pasojë e rritjes së nivelit të lumenjve dhe përroskave, duke e vështirësuar qarkullimin. Andaj, lusim qytetarët që të mos lëvizin pa nevojë dhe, në rastet kur lëvizja është e domosdoshme, të shfrytëzojnë rrugët alternative”, thuhet në apelin e Shtabit Emergjent.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)