Të shtëna nga 2 makina në lëvizje, plagoset një person në Gjilan

Një ngjarje e rëndë ku janë përdorur edhe armë zjarri ka tronditur pasditen e sotme Gjilanin në Kosovë, duke lënë pas një person të plagosur.

Ngjarja ka ndodhur në rrugën Gjilan-Kamenicë, në afërsi të një karburanti, ku sipas Policisë dyshohet se janë përfshirë dy automjete në lëvizje.

Zëdhënësi i Policisë për rajonin e Gjilanit, Ismet Hashani, bëri të ditur se njësitet policore kanë reaguar menjëherë duke dalë në vendin e ngjarjes. Gjatë ekzaminimit janë gjetur dhe sekuestruar prova materiale që lidhen me rastin.

Policia e Kosovës, në koordinim me Prokurorin e Shtetit, po zhvillon hetime intensive dhe është në kërkim të personave të dyshuar të përfshirë në këtë rast.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)