Lista Serbe regjistrohet në zgjedhje, PZAP rrëzon edhe njëherë KQZ

Paneli Zgjedhor për Ankesa dhe Parashtresa ka rrëzuar edhe njëherë vendimin e Komisionit Qendror të Zgjedhjeve në Kosovë, dhe ka vendosur që të certifikojë Listën Serbe në zgjedhjet e parakohshme të 28 dhjetorit.

Në arsyetimin e saj, PZAP shkruan se KQZ nuk ka asnjë motiv për  refuzimin e rekomandimit për certifikimin e Listës Serbe për pjesëmarrje në zgjedhje.

“Kjo është edhe një fitore e vogël, por e rëndësishme e popullit serb”, tha Lista Serbe pas këtij vendimi.

Në mbledhjen e 2 dhjetorit të KQZ, dy anëtarë votuan kundër regjistrimit të Listës Serbe, dy pro, teksa 7 të tjerë abstenuan.

Vendimi u kritikua nga Serbia dhe u dënua nga bashkësia ndërkombëtare.

Kjo ishte hera e tretë që Lista Serbe u përball me përpjekje për të mos iu lejuar pjesëmarrja në zgjedhje.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)