SPAK kërkon arrestimin e Ballukut, Këshilli i Mandateve shtyn mbledhjen pa afat

Mbledhja e Këshillit të Mandatave ku u shqyrtua kërkesa e SPAK drejtuar Kuvendit të Shqipërisë për heqjen e imunitetit për zv/kryeministren Belinda Balluku është shtyrë.

Siç kreu i Grupit Parlamentar të PD-së, Gazment Bardhi tha për mediat nuk ka një datë të re për mbledhjen e ardhshme, ndërsa ka pasur përplasje për afatin e shtyrjes, me mazhorancën që sipas tij ka kërkuar që mbledhja e ardhshme të zhvillohet pas një muaji, më 20 janar.

“U bënë aq qesharakë saqë kërkuan që mbledhja e radhës të bëhet më 20 janar. Ndërkohë, prokurorët e posaçëm thanë se çdo vonesë mund të na rrezikojë provat apo intimidimin e dëshmitarëve. Në mënyrë krejt të paarsyeshme Kryetari i Kuvendit u kthye në mbledhje pas 20 minutash pushim dhe tha e mbyll mbledhjen, për datën do t’ju njoftoj. Me sa kuptova Edi Rama nuk ia ka hapur telefonin. Kjo është e papranueshme, pasi i jep kohë Belinda Ballukut që tani që ka në dorë dosjen të prishë provat dhe të intimidojë dëshmitarët”, tha Bardhi për mediat pas përfundimit të mbledhjes.

Gjatë mbledhjes së Këshillit të Mandateve për shqyrtimin e kërkesës së SPAK për arrestimin e Ballukut, mbrojtja ka kërkuar më shumë kohë për t’u njohur me provat. Avokati i Ballukut, Ardian Kalija, kërkoi gjatë mbledhjes që të njihet me materialet e dorëzuara nga SPAK në Kuvend.

Konkretisht ai kërkoi akses në USB-në me prova që ka dorëzuar Prokuroria e Posaçme dhe theksoi se për një mbrojtje të plotë i nevojitet më tepër kohë, sepse dosja përmban rreth 10 mijë faqe. “Më duhen tre javë për t’u njohur me të gjitha aktet”, deklaroi Kalija, duke kërkuar shtyrjen e mbledhjes së Këshillit të Mandateve.

LEXO MË SHUMË

Politikë

Avokati i Ballukut kërkoi tre javë kohë, SPAK: 5 ditë janë të mjaftueshme

Kërkesa për arrestimin e zv.kryeministres, PS dhe PD dakordësi për shtyrjen e mbledhjes. Mazhoranca propozoi zhvillimin në datën 19 janar.

14:52 2 h më parë19.12.2025.

Autori

Politikë

Opozita kërkon USB-në me provat për arrestimin e Ballukut, PS kundër daljes së provave

Prokurorët e SPAK sqaruan se materiali mund të aksesohet vetëm nga anëtarët e Këshillit të Mandateve, por ishin dakord që deputetët ta marrin me vete.

14:15 3 h më parë19.12.2025.

Autori

Politikë

Këshilli i Mandateve shqyrton kërkesën e SPAK, Balluku shkon në kryeministri

Ministrja e Infrastrukturës dhe Energjisë mori pjesë në mbledhjen e qeverisë, të thirrur nga kryeministri Edi Rama.

11:23 6 h më parë19.12.2025.

Autori

Nga ana e tyre, prokurorët e SPAK, me në krye kreun e institucionit, Klodian Braho, u shprehën se avokati i Ballukut mund të njihet me provat, por vlerësuan se pesë ditë janë të mjaftueshme për shqyrtimin e materialeve.

Mbledhja e kësaj të premte zgjati të paktën 5 orë. Në sallë veç ligjvënësve të majtë dhe të djathtë ndodheshin edhe 3 prokurorë, mes tyre kreu i ri i SPAK, Klodian Braho, dhe prokurorët e çështjes Dritan Prençi e Dorina Bejko.

Sakaq, kujtojmë se Prokuroria e Posaçme e ka marrë zv/kryeministren Balluku të pandehur për shkeljet me tenderin 190 milionë euro të tunelit të Llogarasë. Po ashtu ajo është nën hetim për 7 lotet e Unazës së Madhe të Tiranës, një aferë kjo me vlerë 450 milionë euro. Po ashtu Balluku dyshohet se ka përcaktuar fituesit edhe për 3 tendera të tjerë të Ministrisë së Energjisë dhe Infrastrukturës.

16:00 - “Rama nuk e di çfarë ka në dosje”, Bardhi: USB-në e kyçën për të fituar kohë

Foto: LSA

Kreu i grupit të Partisë Demokratike, Gazmend Bardhi ka dhënë detaje për mediat pas përfundimit të mbledhjes së Këshillit të Mandateve ku u diskutua heqja e imunitetit për zv.kryeministren Belinda Balluku.

Bardhi deklaroi se SPAK i dha të drejtë opozitës që dosjen duhet ta kishte çdo deputet në Komisionin e Mandateve që të njihej me të.

“Kërkuam që mbledhja e sotme të ishte transparente për qytetarët, për përfaqësuesit e medias dhe e hapur për opinionin publik. Kërkesa nuk u mor në konsideratë. Sot jemi marrë vetëm me procedurën. E para ishte nëse deputetët ishte apo e drejtë të kishin të plotë dosjen e sjellë nga SPAK. Ajo që deputetët e opozitës e kanë thënë gjithë këto ditë, u konfirmua nga SPAK. Po, secili deputet anëtar i Këshillit të Mandateve duhet ta ketë të plotë”, u shpreh kreu i grupit të PD.

Sipas tij, USB-ja me provat u mbajt e kyçur që Belinda Balluku të fitonte kohë, teksa shtoi se Rama ende nuk e ka vendosur se çfarë të bëjë me të.

“Kyçën USB-në për t’i dhënë alibi të pandehurës se nuk ka lexuar të plotë materialin. 5 anëtarët e opozitës në komision kërkuan që mbledhja të ndërpritej. Deputetët të pajiseshin me materialin e plotë dhe të dëgjonin prokurorinë dhe të pandehurën Balluku të hënën në mëngjes. U zbulua skenari që Rama nuk e ka vendosur ende se çfarë do të bëjë me Ballukun që të shohë deri ku shkon përgjegjësia e tij dhe çfarë të dhënash ka për atë në dosje”, tha Bardhi pas mbledhjes.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)