Nëpër botë
Sulm i rëndë në qytetin turk, vriten 4 persona, plagosen 8 të tjerë
Mësohet se gjatë arratisjes ai vrau edhe një bari që po kulloste delet në afërsi, si dhe një shofer kamioni.
21:18 1 ditë më parë18.05.2026.
AutoriSpiropali nderon Skënderbeun në Shkupin e vjetër: Simbol i qëndresës, dinjitetit dhe shpirtit europian
Ministrja për Europën dhe Punët e Jashtme, Elisa Spiropali mbrëmjen e djeshme mori pjesë në një ceremoni nderimi pranë monumentit të heroit kombëtar Gjergj Kastriot Skënderbeu në Shkupin e vjetër.
23.12.2025. 09:22
Përkrah zëvendëskryeministrit të Maqedonisë së Veriut Arben Fetai, kryetarit të komunës së Çairit Izet Mexhiti, si dhe përfaqësuesve të tjerë të pushtetit lokal, ministrja e Jashtme, Elisa Spiropali nderoi mbrëmjen e djeshme heroin kombëtar Gjergj Kastriot Skënderbeu pranë monumentin të tij në Shkupin e vjetër.
Në një moment solemn kujtese dhe respekti, u vendos një kurorë nderi pranë monumentit të Skënderbeut, figurë që për shqiptarët dhe më gjerë përfaqëson qëndresën, dinjitetin dhe lidhjen natyrore me Europën. Përmes një postimi në rrjetet sociale, Spiropali theksoi simbolikën e veçantë të këtij akti.
“Në zemër të Shkupit të vjetër, aty ku guri flet me histori dhe koha merr frymë krenarie, ndaluam për të nderuar simbolin e qëndresës, të dinjitetit dhe të shpirtit europian, duke vendosur kurorën e nderit pranë monumentit të Gjergj Kastriot Skënderbeut”, shkruan ajo.
Ministrja vuri në dukje edhe bashkimin institucional dhe simbolik në këtë ceremoni, duke theksuar frymën e përbashkët të respektit dhe krenarisë.
“Në këtë moment kujtese dhe respekti ishim së bashku me Zëvendëskryeministrin Arben Fetai dhe Kryetarin e Çairit Izet Mexhiti, si dhe përfaqësues të tjerë të pushtetit lokal në Komunën e Çairit, të bashkuar me nderim dhe krenari.”
Pas ceremonisë zyrtare, aktivitetet vijuan me një atmosferë festive dhe emocionale, ku shfaqjet artistike, ritmi i tupanëve dhe fëmijët e veshur me kostume dhe simbole kombëtare i dhanë më shumë gjallëri këtij momenti simbolik.
“Një kujtesë e përbashkët për rrënjët tona të forta dhe përkatësinë tonë natyrore në Europë”, përfundon Spiropali në mesazhin e saj, duke nënvizuar rëndësinë historike dhe identitare të figurës së Skënderbeut për shqiptarët kudo që ndodhen.
Shkarkoni aplikacionin Newsmax Balkans:
Komente (0)