Aktualitet
Borë deri 40 cm, akse të bllokuara dhe mungesë energjie në Dibër
Reshjet e borës kanë shkaktuar probleme në Dibër. Raportohen rrugë të bllokuara dhe mungesë energjie në disa zona.
09:31 1 ditë më parë11.01.2026.
AutoriKreu i Gjykatës së Lartë: Sistemi funksionon me 110 gjyqtarë më pak, mungesë vizioni në reformë
Kryetari i Gjykatës së Lartë, Sokol Sadushi, ngriti alarmin për krizën e mungesës së gjyqtarëve në sistemin e drejtësisë, duke kritikuar uljen drastike të kuotave në Shkollën e Magjistraturës dhe mënyrën e zbatimit të Reformës në Drejtësi, e cila sipas tij po e lë sistemin të funksionojë nën kapacit
29.12.2025. 14:27
Kryetari i Gjykatës së Lartë, Sokol Sadushi, ka ngritur alarmin për mungesën serioze të gjyqtarëve në sistemin e drejtësisë, gjatë konferencës së fundvitit me gazetarët, duke theksuar se aktualisht gjykatat funksionojnë me rreth 110 gjyqtarë më pak se kapaciteti i parashikuar.
Sadushi deklaroi se sot janë në detyrë 307 gjyqtarë efektivë, ndërkohë që struktura ligjore parashikon 417, çka do të thotë se sistemi funksionon vetëm me 73.6% të kapacitetit. Sipas tij, situata pritet të përkeqësohet edhe më tej, pasi deri në vitin 2028 nga Shkolla e Magjistraturës parashikohet të dalin jo më shumë se 67 gjyqtarë të rinj. “Mungesa e gjyqtarëve është problemi themelor i sistemit të drejtësisë. Ky realitet dëshmon mungesë vizioni strategjik për hyrjet e reja në sistem”, u shpreh Sadushi, duke kërkuar masa konkrete për korrigjimin e kuotave të pranimit në Shkollën e Magjistraturës.
Ai kritikoi edhe vendimmarrjen e institucioneve të qeverisjes së drejtësisë, duke e cilësuar të papranueshme uljen e vazhdueshme të kuotave. Sipas Sadushit, nga 40 kuota të planifikuara, ato janë ulur fillimisht në 20 dhe këtë vit në vetëm 10 gjyqtarë e prokurorë, çka sipas tij tregon mungesë të qartë planifikimi dhe vizioni.
Në konferencë, kreu i Gjykatës së Lartë foli edhe për numrin e lartë të rekurseve të refuzuar, duke sqaruar se në shumë raste ato nuk plotësojnë standardet ligjore. Ai theksoi se rekursi është i standardizuar dhe nuk mund të paraqiten pretendime jashtë tre shkaqeve të parashikuara nga ligji, çka sjell shpesh papranueshmërinë e tyre. Sadushi vuri në dukje se rekurset më të pasuksesshme janë ato ku palë është shteti, për shkak të numrit të lartë të çështjeve të administratës publike.
Duke folur për Reformën në Drejtësi, Sadushi u shpreh kritik për mënyrën e zbatimit të saj, duke theksuar se sistemi nuk po funksionon siç duhet. Megjithatë, ai u shpreh optimist se pavarësisht problemeve, reforma po ecën dhe ka nisur të japë rezultate, ndërsa theksoi se sfida kryesore mbetet gjykimi i çështjeve brenda afateve ligjore.
Shkarkoni aplikacionin Newsmax Balkans:
Komente (0)