Mashtrimet e fundvitit, policia: Kujdes linqet në “WhatsApp”

Periudha e festave të fundvitit, tradicionalisht shoqërohet me dhurata, por shfrytëzohet edhe për mashtrime. Zakonisht janë oferta që propozohen si shumë të bukura për të qenë të vërteta.

Rreziku i radhës lidhet me linqe që vijnë në formë mesazhi në aplikacionin “WhatsApp”. Policia e Shtetit i ka bërë thirrje qytetarëve që të tregojnë kujdes dhe të mos hapin kërkesat, ku në rastin konkret bëhet fjalë për fitimin e një burse falas nga adresa e dërguesit.

NJOFTIMI I POLICISË:

Paralajmërim për fushatë “phishing” në platformën “WhatsApp”. Drejtoria për Hetimin e Krimit Kibernetik paralajmëron qytetarët për qarkullimin e një fushate mashtruese në platformën “WhatsApp”.

Këto mesazhe paraqiten si kërkesë për votim për çmimin e parë të një burse falas, në favor të një personi të afërt me dërguesin, i cili dyshohet se mund të ketë rënë më parë pre e këtij mashtrimi, duke sjellë më pas përhapjen e mesazhit te kontaktet e tij.

Mesazhet synojnë marrjen e kontrollit të llogarisë në aplikacionin “WhatsApp”, duke i drejtuar përdoruesit drejt faqeve të rreme dhe duke i nxitur të vendosin kode verifikimi, të cilat përdoren nga autorët për të përvetësuar llogarinë.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)