Gjermania jep 250 mijë paund për familjet e prekura nga përmbytjet

Ambasada gjermane në Tiranë ka vendosur të japë një kontribut të menjëhershëm për dhjetëra familje shqiptare që u prekën nga moti i keq dhe përmbytjet disa javë më parë.

Në një postim në rrjetet sociale, ambasada bën me dije se ka akorduar një fond prej 250 mijë paundësh për të lehtësuar sado pak vështirësitë e familjeve në nevojë.

“Ndihmë e Shpejtë Pas Përmbytjeve në Shqipëri.Pas përmbytjeve të rënda të javëve të fundit, Fondi Start, i mbështetur nga Gjermania, vë në dispozicion në mënyrë të menjëhershme 250.000 £ për OJQ-në World Vision UK.

Kjo do të mbështesë afërsisht 400 familje (rreth 1,800 persona) në rajonet më të prekura të Shqipërisë – duke përfshirë Durrsin (Sukth, Katund i Ri, Kënetë, Rrashbull, Porto Romano si dhe Shkozetin, Nishtullën). Masat përfshijnë ndihma sanitare dhe higjienike, strehimin emergjent dhe artikujt jo-ushqimorë, masat mbrojtëse (duke përfshirë mbrojtjen nga dhuna gjinore), sigurinë ushqimore dhe nevojat jetike.

Për më tepër, përmes mbështetjes sonë të gjerë për zhvillimin e sistemeve të paralajmërimit të hershëm (përmes projektit ALBAdapt të GIZ), ne kontribuojmë që ngjarjet ekstreme të motit të mund të parashikohen më mirë në të ardhmen, duke i mundësuar njerëzve të marrin masa parandaluese”-njofton ambasada gjermane në Tiranë.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)