Dhunohet një çift në Durrës, nis procedimi penal ndaj tre personave

Prokuroria e Durrësit ka nisur procedimin penal ndaj një 44-vjeçari dhe dy personave të tjerë, të cilët akuzohen se në bashkëpunim kanë dhunuar fizikisht një çift dhe i kanë shkaktuar dëme materiale automjetit të tyre.

Sipas njoftimit zyrtar të policisë, ngjarja ka ndodhur më 30 janar, rreth orës 17:30, në lagjen nr. 14, Nishtulla, Durrës, pas një konflikti të çastit për motive të dobëta. Në këtë përplasje janë përfshirë shtetasit A. Z., 44 vjeç, S. Z., 46 vjeç, dhe V. R., 37 vjeç, të gjithë banues në të njëjtën lagje.

Burime policore bëjnë me dije se tre shtetasit kanë goditur me grushte F. M., 55 vjeç, dhe L. M., 55 vjeçe, duke u shkaktuar dëmtime fizike, ndërsa më pas kanë dëmtuar edhe automjetin tip “Ford Focus”, duke thyer xhamat e derës së shoferit dhe pasagjerit. Automjeti ishte në pronësi të shtetasit L. M., 47 vjeç.

Materialet procedurale i janë referuar Prokurorisë së Durrësit, e cila po vijon hetimet për zbardhjen e plotë të rrethanave të ngjarjes dhe për përcaktimin e përgjegjësisë penale të personave të përfshirë.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)