Dy makina përplasen në Peshkopi, dëmtohen dy drejtuesit

Një aksident rrugor është regjistruar në aksin Peshkopi–Maqellarë, në afërsi të fshatit Dovolan, ku dy automjete janë përplasur ballë për ballë, duke shkaktuar dy të plagosur.

Sipas informacionit paraprak, në aksident janë përfshirë një mjet tip “Golf” dhe një “Land Rover”. Si pasojë e përplasjes, drejtuesit e mjeteve, shtetasit Vilson Murra dhe Fezulla Keta, kanë mbetur të lënduar dhe janë transportuar në Spitalin Rajonal të Dibrës për ndihmë mjekësore.

Burime nga spitali bëjnë me dije se të dy të lënduarit ndodhen jashtë rrezikut për jetën, ndërsa po marrin trajtimin e nevojshëm mjekësor.

Nga të dhënat e para të policisë, dyshohet se drejtuesi i mjetit “Land Rover”, Fezulla Keta, ka humbur kontrollin e automjetit gjatë lëvizjes, duke kaluar në korsinë e kundërt dhe duke u përplasur me mjetin tip “Golf”. Përplasja ka qenë e fortë, duke bërë që njëri prej automjeteve të dalë jashtë rruge.

Në vendngjarje ka mbërritur grupi hetimor, i cili po punon për zbardhjen e plotë të rrethanave dhe shkaqeve të aksidentit.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)