Vjedhje dhe dhunë ekstreme, policia në Spanjë arreston katër shqiptarë

Policia shqiptare ka kontribuar në zhvillimin e operacionit të koduar “Ferdinand”, të organizuar nga autoritetet spanjolle, për goditjen e një grupi kriminal të përbërë kryesisht nga shtetas shqiptarë, të akuzuar për vjedhje me armë zjarri dhe dhunë ekstreme në banesa, për përfitim të parave dhe sendeve me vlerë.

Si rezultat i operacionit janë arrestuar 5 persona, nga të cilët 4 janë shtetas shqiptarë. Gjithashtu janë sekuestruar 10,590 euro, 4 orë dore luksoze dhe një automjet. Policia shqiptare, përmes Njësisë për Krimet Shëtitëse “Antiskifter” në Drejtorinë për Hetimin e Krimit të Organizuar, ka bashkëpunuar ngushtë me homologët spanjollë për rreth dy vjet, duke përdorur Oficerin Ndërlidhës të Ambasadës shqiptare në Madrid.

Në kuadër të këtij bashkëpunimi, në janar 2026 Policia e Lezhës zhvilloi operacionin e koduar “Aksi”, duke arrestuar një nga pjesëtarët e grupit, shtetasin me inicialet A.I. Gjithashtu, gjatë periudhës hetimore janë ekzekutuar letërporosi për kontrolle në ambiente në Shqipëri të lidhura me pjesëtarët e grupit.

Bashkëpunimi me autoritetet spanjolle vazhdon, me qëllim kapjen e dy pjesëtarëve të tjerë të këtij grupi, të shpallur në kërkim ndërkombëtar.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)