Vodhën lap top dhe regjistrimet e kamerave të shkollës, në hetim dy të mitur

Policia e Lezhës ka mundur të identifikojë dy të mitur si autorë të vjedhjes në një shkollë një ditë më parë. Ata kishin thyer 5 dyer dhe kishn vjedhur 16 lap topë të shkollës, si dhe regjistrimet e kamerave.

Nga hetimet e policisë është zbuluar se në vjedhje kanë marrë pjesë 6 persona, dhe po punohet për identifikimin e katër të tjerëve.

NJOFTIMI I PLOTE

Në vijim të informacionit paraprak të dhënë dje, ku shtetasja A. L., drejtoreshë e një shkolle 9-vjeçare në qytetin e Lezhës, kishte njoftuar Policinë se në ambientet e brendshme të shkollës kishte konstatuar 5 dyer të dëmtuara dhe dyshohej për marrjen e disa dokumenteve dhe pajisjeve, grupi hetimor nën drejtimin  Prokurorisë kreu veprimet e  para hetimore në lidhe me rastin.

Në vijim të veprimeve hetimore, shërbimet e Komisariatit të Policisë Lezhë bënë të mundur identifikimin dhe procedimin penal në gjendje të lirë të 2 shtetasve të mitur, 17 dhe 14 vjeç, të cilët dyshohet se, në bashkëpunim me 4 persona të tjerë, kanë dëmtuar dyert e brendshme të shkollës dhe kanë marrë 16 laptopë dhe DVR-ën e kamerave të sigurisë.

Nga këqyrja e pamjeve filmike në ambientet e shkollës rezulton se në këtë ngjarje kanë marrë pjesë gjithsej 6 persona, dhe vijon puna për identifikimin dhe kapjen e bashkëpunëtorëve të tjerë si dhe për gjetjen dhe sekuestrimin e laptopëve dhe DVR-së.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)