Aksident zinxhir në aksin Librazhd–Elbasan, një viktimë dhe 6 të plagosur

Një aksident i rëndë rrugor është regjistruar në aksin kombëtar Librazhd–Elbasan, në zonën e Xibrakës, ku disa automjete janë përplasur në rrethana ende të paqarta.

Sipas të dhënave paraprake, në aksident janë përfshirë të paktën katër automjete, ndërsa përplasja e fortë ka shkaktuar vdekjen e një personi, i dyshuar si shtetas i huaj.

Po ashtu raportohet për gjashtë persona të tjerë, të plagosur në vendngjarje. Të lënduarit janë transportuar me urgjencë drejt spitalit për të marrë ndihmën e nevojshme mjekësore.

Për shkak të aksidentit, qarkullimi në këtë segment rrugor është bllokuar përkohësisht, ndërsa në vendngjarje ndodhen forca të shumta policie, ambulanca dhe dy automjete zjarrfikëse.

Autoritetet po punojnë për zbardhjen e plotë të shkaqeve të aksidentit, ndërsa paraprakisht nuk përjashtohet mundësia e shpejtësisë apo parakalimeve të gabuara si faktorë që mund të kenë ndikuar në përplasjen zinxhir.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)