Pastruan 500 mijë euro, përfundojnë në gjyq 4 persona

Një çështje për pastrim parash është dërguar për gjykim nga Prokuroria e Shkodrës, pas përfundimit të hetimeve disa vjeçare.

Në gjyq janë dërguar Arsuel Curaj, Alma Guraj, Gëzim Guraj dhe Vladimir Jacaj, të akuzuar për veprën penale “Pastrimi i produkteve të veprës penale”, me pasoja të rënda.

Sipas hetimeve të nisura që në vitin 2021, të pandehurit dyshohet se kanë realizuar kontrata fiktive, përfshirë shkëmbime pronash, dhurime dhe shitje, si dhe veprime bankare, për të fshehur origjinën e parave.

Shuma prej 500 mijë eurosh, e dyshuar si produkt i veprimtarisë kriminale, është sekuestruar nga autoritetet.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)