Qirinjtë aromatikë dogjën apartamentin te Komuna e Parisit, arrestohen dy vajzat qiramarrëse

Dy vajza që kishin marrë me qira një banesë në zonën e Komunës së Parisit, në kryeqytet, kanë përfunduar pas hekurave, pasi policia dyshon se pakujdesia e tyre u bë shkak për zjarrin e rënë pasditen e djeshme në kompleksin “Kika 1”, duke shkrumbuar apartamentin ku banonin.

Policia bën me dije se ka arrestuar dy 25-vjeçaret pas zjarrit që përfshiu banesën e tyre, ndërsa konstaton se qirinjtë aromatikë shkaktuan flakët.

“Specialistët për Hetimin e Krimeve të Komisariatit të Policisë Nr. 2 arrestuan shtetaset K. Sh., 25 vjeçe dhe S. Gj., 25 vjeçe, pasi dyshohet se për shkak të pakujdesisë së tyre, ka rënë zjarr në banesën e tyre. Si pasojë janë dëmtuar banesa e tyre dhe banesat e fqinjëve. Gjithashtu, është dërguar në spital, shtetasi A. K, për shkak të asfiksisë, jashtë rrezikut për jetën”, sqaron policia.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)