Aksioni opozitar, Berisha: Bashkëpunim me faktorë të rëndësishëm

Kreu i demokratëve Sali Berisha në një konferencë për mediat këtë të hënë tha se me opozitën do të bashkëpunojnë e shumë faktorë të tjerë, por pa bërë përcaktime, në largimin e Edi Ramës nga pushteti.

"Strategjia e opozitës është largimi i tij një minutë e më parë nga pushteti. Opozita është e sigurtë që do të realizojë objektivin e saj. Kjo është dhe ka besim të madh tek guximi, k besim të madh tek trimëria, ndershmëria e qytetarëve shqiptarë. Ka besim të madh se përkrah opozitës shqiptare, së bashkë me opozitën shqiptare, do bashkëveprojnë dhe bashkëpunojnë shumë e shumë faktorë të tjerë rëndësishëm në shoqërinë shqiptare, që duan ta përzënë 1 minutë e më parë, këtë të keqe të madhe, këtë organizatë kriminale që udhëhiqet nga Edi Rama", tha Berisha.

Ai ka vijuar me denoncimin e radhës ndaj maxhorancës, teksa tha se Edi Ramën nuk do e heqë drejtësia por qytetarët me protestat e tyre.

"Nuk ka asnjë diskutim që Edi Rama bën gjithçka, dhe jo bën, por do të bllokojë drejtësinë. Do të përdorë 83 mandatet e tij të krimit, kundër drejtësisë. Dhe këtu ndaj themi ne, fjalën e vetme e kanë qytetarët shqiptarë. Ne kemi theksuar dhe theksojmë, Edi Ramën nuk do ta heqë drejtësia. Edi Ramë nuk do ta heqin ‘Deltat’, atë do ta heqin qytetarët shqiptarë me protestat e tyre.
Nuk kemi asnjë lloj dyshimi në këtë qëndrim, në këtë mendim", tha Berisha. 

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)