Balla sulmon Topallin: Bashkëpunove me PS kundër Saliut, kujtoja se do merrje ndonjë votë në Shkodër

Deklarata të forta ka bërë kreu i grupit të PS, Taulant Balla ku gjatë një përplasje verbale me opozitën, i tha ish-kryetares së Kuvendit, Jozefina Topalli se ka bashkëpunuar me PS në 2021 kundër Sali Berishës.

“Në 2021 kemi bashkëpunuar bashkë kundër Saliut, t’i Jozefinë. Mi kurse pak këtë pjesë. Unë di shumë gjëra, si i ndanim gjërat. Ti na dole huq se mendoja se do merrje ndonjë votë në Shkodër. Po dole si në diasporë. Këto rikthimet si puna Jozefinë janë si ajo pas asaj”, tha kreu i grupit të PS.

Balla shtoi gjithashtu se ndihet krenar për padinë që ka bërë ndaj Sali Berishës, dhe se do të bënte të njëjtën gjë po të kthehej në kohë.

“Kur ti drejtohesh krahut tonë duhet ta lash gojën. Laje gojën sepse edhe për këto që thua, zotrote.. Ti je i akuzuar për korrupsion dhe pastrim parash dhe nuk kemi thënë asnjë më shumë se SHBA. SHBA të ka shpallur non grata për korrupsion.

Drejtësia në Shqipëri të ka marrë të pandehur për korrupsion. Të bëhesh ti emisari për haberet e drejtësisë që shkon dy herë në javë dhe i merr të gjithë në gojë. Vjen merresh me mua që të kam kallëzuar. Ngrije kokën Sali. 100 herë të kthehem mbrapa, të njëjtën gjë do kisha bërë”, deklaroi Taulant Balla.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)