Shkarkimi nga detyra si ministre e Jashtme, Spiropali: Pozicionet janë kalimtare, Shqipëria më e rëndësishme se çdo rol

Deputetja socialiste Elisa Spiropali ka reaguar përmes një postimi në Facebook pas largimit nga detyra si ministre e Jashtme, duke e cilësuar shkarkimin që kryeministri Edi Rama e komunikoi mbrëmjen e djeshme, si mbyllje të një funksioni, por jo të angazhimit të saj publik.

“Dje përfundoi një detyrë, por jo një rrugëtim. Në jetën publike funksionet mbyllen me një vendim, ndërsa përgjegjësia vazhdon me ndërgjegjen”, shkruan Spiropali.

Ajo thekson se politika është një fushë ku “koha lëviz shpejt, por kujtesa lëviz ngadalë”, duke nënvizuar se ajo që mbetet nuk është posti i mbajtur, por mënyra si është ushtruar ai dhe pesha e dhënë fjalës dhe qëndrimit personal.

Spiropali e lidh shërbimin e saj me orientimin perëndimor të Shqipërisë, nga anëtarësimi në NATO deri te rrugëtimi drejt Bashkimi Europian, duke theksuar se detyra e saj “nuk ishte thjesht funksion, por vazhdim i një narrative historike që e sheh Shqipërinë si pjesë të pandashme të Perëndimit politik”.

LEXO MË SHUMË

Politikë

Rama mbledh qeverinë "e vjetër", mungojnë Balluku, Spiropali dhe Vengu

Në mbledhjen e sotme që konfirmoi ndryshimet e komunikuara nga Rama dje në mbledhjen e Grupit të PS morën pjesë vetëm ministrat e kabinetit të vjetër qeverisës, me mungesën e treshes Balluku, Spiropali, Vengu.

12:10 5 h më parë27.02.2026.

Autori

Politikë

Shkarkohen Balluku dhe Spiropali, Edi Rama i bën riformatim radikal qeverisë

Kryeministri Edi Rama ka vendosur të bëjë shtatë ndryshime në kabinetin qeverisës, duke shkarkuar nga detyra emra me peshë në Partinë Socialiste, si Belinda Balluku, Elisa Spiropali dhe Pirro Vengu.

20:17 21 h më parë26.02.2026.

Autori

Politikë

Rama argumenton pse nuk pranoi dorëheqjen e Ballukut: Dorëheqja morale, pas fazës revolucionare të drejtësisë

Në fjalimin e tij para deputetëve socialistë Rama ka argumentuar se nuk e ka pranuar dorëheqjen e zv.kryeministres Belinda Balluku për të mos hapur siç tha ai vallen e dorëheqjeve automatike dhe pa akuzë. Sipas kryeministrit koha e dorëheqjes morale do të vijë por pas fazës revolucionare të drejtës

12:36 1 ditë më parë26.02.2026.

Autori

Në mesazhin e saj, ajo shpreh mirënjohje ndaj Partisë Socialiste për besimin e dhënë ndër vite dhe shton se “pozicionet janë kalimtare, ndërsa gjurma është zgjedhje e vetëdijshme”.

Në përfundim, Spiropali thekson se për të, mbyllja e një detyre nuk përbën tërheqje, por vazhdim të angazhimit me të njëjtën bindje dhe përgjegjësi.

“Vendimet politike janë pjesë e një vizioni më të gjerë dhe si të tilla respektohen, por historia personale e secilit prej nesh nuk matet me kohëzgjatjen e një mandati, as me fuqinë e përkohshme politike, por me gjurmën që lë në kulturën politike dhe morale të vendit. Socialistëve u detyrohem gjithmonë besnikëri ndaj idealeve dhe jo ndaj komoditetit, sepse e majta europiane që kemi synuar të ndërtojmë në Shqipëri nuk është retorikë, por përpjekje për drejtësi sociale, shtet funksional dhe integrim të pakthyeshëm në Bashkimin Europian. Këto janë busulla që nuk ndryshojnë me rrethanat dhe nuk zbehen me rotacionin e detyrave. Shqipëria është më e rëndësishme se çdo rol dhe Partia është më e rëndësishme se çdo individ, por dinjiteti personal mbetet themeli mbi të cilin ndërtohet çdo shërbim publik i ndershëm dhe i qëndrueshëm. Në këtë kuptim, për mua përfundimi i një detyre nuk është tërheqje, por vazhdim i angazhimit me të njëjtën bindje dhe të njëjtën përgjegjësi”, shkruan ish-ministrja e Jashtme.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)