Tronditet Ekuadori, ish-lojtari i përfaqësueses vritet në një atentat

Një tragjedi trondit futbollin në Amerikën e Jugut dhe në veçanti Ekuadorin: Mario Pineida, mbrojtës i Barcelona Sporting Club dhe ish-lojtar i përfaqësueses, u vra në një sulm të armatosur. Gjithçka nga vendi i ngjarjes të krijonte idenë e një ekzekutimi mafioz.

Lajmi për vdekjen e tij u përhap shpejt në të gjithë vendin, duke tronditur tifozët dhe opinionin publik. Sipas Policisë Kombëtare, ngjarja ndodhi rreth orës 16:30 në lagjen Samanes 4, në veri të Guayaquil-it.

33-vjeçari Pineida ishte përpara një dyqani ku shitej mish, kur një grup atentatorësh të armatosur hapën zjarr ndaj tij dhe një personi tjetër. Futbollisti vdiq në vend, ndërsa viktima e dytë ndërroi jetë pas plagëve të marra. Identiteti i Pineida-s u konfirmua nga Ministria e Brendshme të Ekuadorit.

Ai ishte një figurë e njohur dhe e respektuar në futbollin lokal, mbrojtës i majtë me eksperiencë të madhe dhe me disa paraqitje me kombëtaren. Klubi i Barcelona SC, shprehu ngushëllimet më të thella për humbjen dhe bëri thirrje për të bashkuar tifozët në lutje për familjen. Atentati nuk është një rast i izoluar, por pjesë e një spiraleje të dhunës që po shkatërron Ekuadorin, duke goditur shpesh figura publike dhe sportistë.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)