Probleme për Hakimin, do dalë para gjykatës pasi akuzohet për dhunë seksuale

Mbrojtësi i Paris Saint-Germain, Achraf Hakimi, do të dalë para një trupe gjykuese pas një akuze për përdhunim të ngritur ndaj tij në Francë.

Një grua 24-vjeçare e ka akuzuar kapitenin e Marokut se e ka përdhunuar në shtëpinë e tij në Paris në vitin 2023. Futbollisti i ka mohuar kategorikisht akuzat.

Prokuroria e Nantes hapi një hetim paraprak në mars 2023. Së fundmi është konfirmuar se është urdhëruar zhvillimi i një procesi gjyqësor, megjithëse ende nuk është caktuar një datë për gjyqin.

Në një reagim në rrjetin social X, Hakimi u shpreh se “një akuzë për përdhunim sot mjafton për të justifikuar një gjyq”, duke shtuar se pret me qetësi që e vërteta të dalë në dritë publikisht.

Edhe avokati i tij konfirmoi se çështja do të shkojë në gjykatë dhe theksoi besimin se drejtësia do të vihet në vend.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)