Përgjaket sërish “Rruga e Vdekjes”, 3 të plagosur në aksident në aksin Elbasan-Peqin

Një aksident i rëndë rrugor është regjistruar këtë të dielë në aksin Elbasan–Peqin, të cilësuar shpesh edhe si “Rruga e Vdekjes” për shkak të numrit të lartë të fataliteteve.

Aksidenti ka ndodhur në afërsi të fshatit Pajovë. Sipas informacioneve paraprake, një mjet i tonazhit të rëndë është përplasur me një automjet të vogël.

Si pasojë, tre persona kanë mbetur të plagosur dhe janë transportuar me urgjencë drejt spitalit për ndihmë mjekësore. Fatmirësisht, burime nga vendngjarja bëjnë me dije se të lënduarit ndodhen jashtë rrezikut për jetën.

Forcat e policisë kanë mbërritur menjëherë në vendin e aksidentit dhe po punojnë për zbardhjen e plotë të rrethanave, ndërsa qarkullimi në këtë segment rrugor është shoqëruar me vështirësi të përkohshme.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)