Shqipëria drejt Valencias, mungesa të rëndësishme para ndeshjes me Ukrainën

Kombëtarja e Shqipërisë është nisur drejt Valencias, ku do të vazhdojë përgatitjet për ndeshjen e 31 marsit ndaj Ukrainës.

Megjithatë, skuadra do të duhet të përballet me dy mungesa të rëndësishme në këtë përballje. Mbrojtësi Arlind Ajeti është detyruar të largohet nga grumbullimi pas dëmtimit që pësoi në ndeshjen ndaj Polonisë. Ai u largua që në pjesën e parë për shkak të një shembje në shpatullën e majtë dhe nuk do të jetë i gatshëm. Ajeti pritet të rikthehet te klubi i tij për ekzaminime të mëtejshme mjekësore.

Një tjetër mungesë është edhe ajo e mesfushorit Ylber Ramadani, i cili është larguar për arsye familjare. Bashkëshortja e tij është në pritje të lindjes së fëmijës, çka e ka detyruar lojtarin të qëndrojë pranë familjes në këtë moment të rëndësishëm.

Pavarësisht këtyre mungesave, Kombëtarja pritet të vijojë përgatitjet me pjesën tjetër të grupit, duke synuar një paraqitje sa më të mirë në përballjen e ardhshme. Trajneri dhe stafi teknik do të duhet të gjejnë zgjidhje alternative për të zëvendësuar mungesat dhe për të ruajtur balancën në skuadër.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)