Japonia shpik “ujqërit” robotë, kërkesë masive nga fermerët për të trembur egërsirat

Një kompani japoneze po përballet me kërkesë të lartë për robotë të pazakontë, të cilët kanë formën e ujkut. Ata po përdoren gjërësisht nga fermerët për të mbrojtur tokat dhe bagëtitë nga arinjtë dhe kafshët e tjera të egra.

Këto “egërsira” mekanike janë të pajisura me sensorë lëvizjeje, sigurojnë energji nga panele diellore dhe kanë altoparlantë që lëshojnë tinguj frikësues, me qëllim largimin e kafshëve nga zonat e banuara apo fermat. Sipas raportimeve, kërkesa është rritur aq shumë sa kompania prodhuese e ka të vështirë të përmbushë porositë.

Ndërkohë, zhvilluesit kanë paralajmëruar se në të ardhmen robotët mund të pajisen edhe me rrota, në mënyrë që të patrullojnë vetë nëpër rrugë dhe fusha. Pamja e tyre është mjaft e frikshme dhe shumëkush e konsideron të çuditshme idenë e përballjes me një “ujk” robot gjatë natës.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)