Djali i Khameneit zotëron prona luksoze 50 milionë £, me pamje nga ambasada izraelite në Londër

Mojtaba Khamenei, djali i dytë i Ajatollah Ali Khameneit, është i zgjedhuri për të pasuar të atin, i cili u vra në ditën e parë të luftës me SHBA-të dhe Izraelin.

Deri më tani nuk ka pasur asnjë njoftim zyrtar nga autoritetet iraniane, por raportet e mediave izraelite dhe perëndimore thonë se Mojjaba, i njohur për qëndrimin e tij të ashpër, është zgjedhur për të marrë përsipër detyrën si udhëheqësi i ri suprem i Republikës Islamike 47-vjeçare.

Nëna, gruaja dhe një nga motrat e tij u vranë në sulm, ndërsa ai vetë thuhet se nuk ishte i pranishëm dhe, deri më tani, i ka mbijetuar bombardimeve të rënda nga Irani.

Megjithatë, me interes të veçantë janë raportet rreth asaj se kush është Mojabah Khamenei, pasi deri më tani ai ka jetuar në hije dhe pak informacion është bërë i ditur për jetën e tij. Një raport i Bloomberg zbuloi se djali i ish-udhëheqësit iranian zotëron dy apartamente luksoze në Kensington, në perëndim të Londrës, me pamje nga ambasada izraelite, duke ngritur shqetësime për një “boshllëk serioz sigurie”. Pronat vlerësohen të kenë një vlerë prej më shumë se 50 milionë paundësh.

Apartamente luksoze në Kensington

Apartamentet ndodhen në katin e gjashtë dhe të shtatë, me apartamente shërbimesh në katin përdhes. Ato janë vetëm pak metra larg Pallatit Kensington, rezidencës zyrtare të Princit William dhe Kate Middleton dhe 56-vjeçari Mojamba Khamenei, i ka në pronësi apartamentet që nga viti 2014.

Hetimi zbuloi gjithashtu se Khamenei zotëron 11 shtëpi luksoze në Hampstead, në veri të Londrës, përmes një kompanie fiktive të regjistruar në Ishullin e Manit. Në total, portofoli i pronave të Khameneit në të gjithë botën vlerësohet të jetë me vlerë qindra miliona paund, ndërsa fondet për blerjet thuhet se erdhën nga programi i anashkalimit të sanksioneve të naftës iraniane.

Dyshime për mbikëqyrje të ambasadës izraelite

Zbulimi se Khamenei, një anëtar kryesor i Korpusit të Gardës Revolucionare Islamike zotëron apartamente me pamje nga ambasada izraelite ka ngritur frikën se pronat mund të jenë përdorur për spiunazh.

Zbulimi vjen pasi katër iranianë u arrestuan në veri të Londrës herët në mëngjes të premten me dyshimin për spiunazh për inteligjencën iraniane. Burrat, të cilët janë iranianë dhe me shtetësi të dyfishtë britanike-iraniane, dyshohen se spiunojnë vende dhe individë hebrenj, duke përfshirë sinagoga dhe ndoshta besimtarë.

Gjashtë persona të tjerë u arrestuan në Harrow, në veriperëndim të Londrës, me dyshimin për komplot për të kryer një krim, por burimet thanë se ata nuk ishin të lidhur me ndonjë komplot.

Një ekspert i terrorizmit dhe sigurisë tha se apartamentet në Kensington, 50 metra larg ambasadës izraelite, mund të përdoren për të monitoruar dhe fotografuar stafin dhe vizitorët, sepse afërsia lejon që bisedat në kopshtet e jashtme të ambasadës të regjistrohen dhe "të gjurmohen me lazer për të zbuluar dridhjet e dritareve për të nxjerrë biseda nga brenda".

Pasuritë e shumta të Khameneit në Londër

Dy apartamentet pranë ambasadës dhe 11 shtëpi të tjera në Bishops Avenue në Hampstead kanë një vlerë të kombinuar prej 200 milionë paundësh. Shumica duket se janë bosh dhe të braktisura.

Apartamentet janë në pronësi të Ali Ansari-t, një oligark iranian dhe mik i ngushtë i familjes Khamenei, sipas Bloomberg. Ato u blenë në vitin 2014 dhe 2016 për 16.7 milionë paund dhe 19 milionë paund respektivisht. Ansari kishte blerë më parë 11 pronat në Hampstead në emër të Khamenei-t në vitin 2013.

Mojamba u vu nën sanksione të SHBA-së në vitin 2019, por ka arritur të ndërtojë një rrjet ndërkombëtar investimesh dhe pasurish të paluajtshme, me asete që vlerësohen të jenë në miliarda dollarë. Pasuria e tij varion nga llogaritë bankare në Zvicër deri te pronat luksoze në Mbretërinë e Bashkuar, me vlerë më shumë se 138 milionë dollarë.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)