“Mbështetja e tyre e bëri fitoren historike”, Kurti falënderon emigrantët pas zgjedhjeve

Kryeministri i rizgjedhur i Kosovës, njëkohësisht kryetari i Lëvizjes Vetëvendosje, Albin Kurti, ka reaguar pas rezultatit të zgjedhjeve parlamentare. Ai falënderoi qytetarët për besimin e dhënë, duke theksuar se mbështetja e emigrantëve ishte vendimtare për fitoren.

Përmes një postimi në Facebook, Kurti tha se gjatë fushatës elektorale është përballur me një përkrahje të gjerë qytetare në mbarë vendin, duke përmendur takimet e shumta dhe angazhimin e madh të strukturave të Vetëvendosjes.

Ai u shpreh veçanërisht mirënjohës ndaj bashkatdhetarëve që udhëtuan nga vende të ndryshme të Europës, Amerikës dhe rajone të tjera për të ushtruar të drejtën e votës, si dhe ndaj atyre që votuan përmes postës ose në përfaqësitë diplomatike të Kosovës. Sipas Kurtit, kontributi i mërgatës ka qenë i pazëvendësueshëm për procesin demokratik dhe për forcimin e shtetit.

Në mesazhin e tij, kryeministri i rizgjedhur theksoi se angazhimi i qeverisë do të vazhdojë, duke shtuar se vendi do të ecë drejt rritjes së sigurisë dhe mirëqenies për qytetarët.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)