Kosova akord për të blerë artilerinë HUMVEE Hawkeye nga SHBA

Kosova, mësohet se ka nënshkruar një marrëveshje me kompaninë amerikane të prodhimit të armëve AM General për blerjen e sistemeve të artilerisë HUMVEE Hawkeye 105mm.

Lajmi u bë me dije nga ministri i Mbrojtjes, Ejup Maqedonci, i cili mes të tjerash shtoi se me këtë akort, ushtria e Kosovës kalon në një tjetër fazë zhvillimi.

“Me këtë blerje, ushtria jonë po kalon në një fazë tjetër zhvillimi, atë të rritjes së fuqisë së zjarrit direkt për qitje në distanca të largëta”, shkuan Maqedonci.

Prodhuesi amerikan bëri me dije në faqen e tij zyrtare se Kosova pritet t’i marrë sistemet e para brenda dy viteve të ardhshme.

“Jemi krenarë të njoftojmë shitjen e suksesshme të HUMVEE Haëkeye Ministrisë së Mbrojtjes së Kosovës për nevojat e Forcës së Sigurisë së Kosovës, një dëshmi e përkushtimit tonë për të ofruar zgjidhje të avancuara për nevojat moderne ushtarake”, tha John Chadbourne, zëvendëspresident ekzekutiv për Zhvillim Biznesi në AM General.

Vitet e fundit, Kosova ka blerë armë nga Shtetet e Bashkuara edhe nga Turqia, përfshirë raketa dhe dronë.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)