Kronikë
Pas 8 orësh bllokim, hapet rruga Librazhd- Qafë Thanë
Pas tetë orësh bllokim është hapur një korsi e rrugës Librazhd- Qafë Thanë, në vendin e quajtur Dragostunjë.
19:55 1 ditë më parë01.02.2026.
AutoriBlindohet Greqia, Dendias merr “timonin” e fregatës Kimon: Me katër Belharra, jemi flota më e fortë në histori
Greqia ka marrë zyrtarisht fregatën e saj të parë të tipit FDI HN “Belharra”, e pagëzuar si F-601 “Kimon”, në një ceremoni të zhvilluar në kantieret detare të Naval Group në Lorient të Francës.
Burimi: Protothema.gr
18.12.2025. 18:48
Greqia ka marrë zyrtarisht fregatën e saj të parë të tipit FDI HN “Belharra”, e pagëzuar si F-601 “Kimon”, në një ceremoni të zhvilluar në kantieret detare të Naval Group në Lorient të Francës, ku u ngrit edhe flamuri grek, duke shënuar dorëzimin përfundimtar të anijes tek Marina helene.
Ministri i Mbrojtjes të Greqisë, Nikos Dendias, e cilësoi ngjarjen si hyrjen e Forcave të Armatosura Greke në një epokë të re, duke theksuar se me integrimin e katër fregatave Belharra, “helenizmi do të ketë Marinën më të fortë që ka pasur ndonjëherë në historinë e tij”.
“Sot është një ditë e veçantë për Marinën tonë. Nuk është vetëm dorëzimi i një anijeje të jashtëzakonshme, por kulmi i një udhëtimi shumëvjeçar dhe fillimi i një brezi të ri njësish”, deklaroi Dendias.
Ai nënvizoi se Greqia, si vend ishullor me flotën më të madhe tregtare në botë, nuk mund të ekzistojë pa një Marinën të fuqishme. Duke iu referuar emrit të fregatës, Dendias kujtoi figurën historike të gjeneralit athinas Kimon, duke theksuar se “2.500 vjet më vonë, Kimoni kthehet në Mesdhe për të forcuar pozicionin e Greqisë”.
Ministri bëri të ditur gjithashtu se është arritur një marrëveshje që industria greke e mbrojtjes të përfshihet me 25% në programet e prodhimit, ndërsa theksoi se forcimi ushtarak i Greqisë nuk ka qëllim kërcënimin, por mbrojtjen dhe garantimin e së drejtës ndërkombëtare.
Fregatat FDI HN janë të pajisura me sisteme moderne kundërajrore, që u mundësojnë të mbulojnë jo vetëm Detin Egje, por edhe zonën strategjike midis Kretës dhe Qipros, si dhe Mesdheun Lindor, ku Greqia merr pjesë në misione ndërkombëtare.
“Kimon” është fregata e parë nga katër njësi që po ndërtohen për Greqinë. Ajo pasohet nga HS Nearchos (F-602) dhe HS Formion (F-603), të cilat ndodhen në faza të avancuara ndërtimi në Lorient.
FDI HN është projektuar si një fregatë shumërolëshe, me automatizim të lartë, arkitekturë të avancuar digjitale dhe sensorë të integruar në një sistem të vetëm, duke garantuar reagim të shpejtë, rezistencë ndaj kërcënimeve elektronike dhe ndërgjegjësim të vazhdueshëm taktik.
Karakteristikat teknike të fregatës “Kimon”
- Pesha: 4.500 ton
- Gjatësia: 122 metra
- Gjerësia: 18 metra
- Shpejtësia maksimale: 27 nyje
- Kapacitet ajror: helikopter 10-tonësh dhe UAV VTOL
Armatimi kryesor
- 32 raketa Aster
- 8 raketa Exocet MM40 B3c
- Sistem raketor RAM
- Top 76 mm
- 4 tuba silurësh me silura MU90
- 2 lëshues kundërmasash CANTO
Shkarkoni aplikacionin Newsmax Balkans:
Komente (0)