Të rinjtë serbë të tretët më të lumtur në botë, ja kush janë 10 vendet me më të kënaqurit

Sipas këtij anketimi, Serbia, i vetmi vend nga rajoni i Ballkanit në top 10-she zuri vendin e tretë me një total prej 7,658 pikësh nga indeksi, që është vetëm pak më i ulët se Izraeli (7,667) dhe Lituania (7,759), ndërsa Islanda e renditur e katërta mblodhi 7,598.

Vendin e pestë në listë e zuri Danimarka, ndërsa Luksemburgu, Finlanda, Rumania, Holanda dhe Republika Çeke ishin ndër 10 vendet e para ku të rinjtë janë më të lumtur.

Amerikanët nën moshën 30 vjeç ndihen më keq për jetën e tyre, kështu që SHBA-të u renditën vetëm në vendin e 62-të në listë me një rezultat prej 6,392 pikësh nga dhjetë të mundshme.

Renditjet sipas vendeve në këtë diapazon moshe tregojnë një ndryshim të konsiderueshëm nga renditja e përgjithshme, pasi disa vende mund të jenë shumë më "të lumtura" për të rinjtë sesa për të gjithë popullsinë.

Raporti, i cili mbulon periudhën 2021 deri në 2023, tregon gjithashtu se vlerësimet e kënaqësisë me jetën janë shumë të ndryshme midis të rinjve dhe të moshuarve në shumë vende, dhe se në disa pjesë të botës të rinjtë janë më pak të kënaqur sot sesa më parë.

Anketuesit e Gallup u kërkuan të anketuarve të vlerësonin jetën e tyre aktuale në tërësi, ku jeta më e mirë e mundshme për ta ishte një rezultat prej 10 dhe më e keqja ishte 0.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)